سلام الله عليكم أحبابنا الكرام ...
سأروي لكم حكايتي مع وظيفة الهيئة الملكية بينبع (معلم)
عندما بدأ التقديم على الوظيفة كنت من الأوائل المتقدمين
ومن البديهي عندما تأتيك رسالة منهم تفيد بقبولك مبدئياً
تعرف حينها أن إجراءات التقديم اللي عملتها في النت مقبولة
حسب الرسالة اللي وصلتنا إن الإمتحان والمقابلة يوم الأحد1433/8/4
الساعة السابعة صباحاً بالمقر المشار إليه ، وتعرفون فرحة الوظيفة
لإنسان عاطل ، كفرحة الضمآن في الظهيرة للظل والماء البارد
طبعاً من الشروط اللاحقة (يعني أتت بعد ما قبلوك مبدئياً)
أثار عندنا تساؤل ؟؟؟
س/ كيف تقبلني وبعد كذا تضع علي شروطك وأنت عندك جميع أوراقي ومستنداتي اللي على أساسها جتني الرسالة منكم ؟؟؟
طبعاً من ضمن الشروط :
الحصول على تقدير جيد في البكالريوس كأقل تقدير (هذا الشرط ما ينطبق علي) لأني في البكالريوس التقدير (مقبول)
الشرط الثاني : حصولك على دبلوم في التربية ..........(هذا ينطبق علي) .
وجميع الشروط الباقية تنطبق علينا .. لكن غريبة تقبلني وتطلع علي شروط هذا اللي ما عرفنا نجاوب عليه .
المهم ...
بعد ما سافرت من القصيم لينبع متحدياً جميع الصعاب اللي واجهتني والظروف في هذا السفر ، مع العلم أنه فيه ناس غيري والله متسلفين مبالغ علشان يوصلون إلى ينبع لإجراء الأختبار
الحمد لله وصلت قبل الإختبار بليلة واستعديت في هذه الليلة للإختبار ، المهم علشان ما تطول المسألة ..
دخلنا قاعة الأختبار قبل الساعة السابعة بعشر دقائق وكانوا اناس بصراحة محترمين ، استقبال جيد وابتسامة جيدة تعطيك أريحية نوعا ما ، بدأ المرور على الزملاء اللي راح يتختبرون والتدقيق في أوراقهم المهم طلع قبلي كم واحد إلين ما وصلني الدور ، وبعد ما تأكد من شهادتي بكل أدب استأذنني في الخروج معه .
وفي خارج الصالة أبلغني أن شهادتي مقبول ولا يمكن لك أن تتم الأختبار مهما كانت الأحوال والظروف ،، حاولت التفاهم معه فأغلق بوجهي جميع المحاولات ،، بقوله هذا مشيناه على الكل .
حينها قلت طالما على الكل (فالظلم مع الكل عدل ..)
بعدها عرفت من الزملاء طريقة الأختبار
الإختبار مكون من 240 سؤال
200 سؤال انجليزي (ليس المهم تخصصك)
40 سؤال في التخصص
هل من رجل حصيف منصف من الهيئة الملكية بينبع يفسر لنا ؟؟؟
دمتم بود ..
أخوكم / محمد المطوع

[align=center]السلام عليكم اخ محمد / يعطيك العاااااافيه على الموضوع
انا صراحه تم قبولي مبدئيا وكنت زيك طااااير من الفرحه قلت في نفسي ليه ما اتصل عليهم واستفسر عن بعض الامور وكان اتصالي هذا خيره لي كلمت الموظف وسالته عن وظائف مشرف امن قالي لزم يكون العمر 25 وانا عمري اكثر من 25 يعني افهم من كلامك يا يكون عمرك 25 ولا مع السلامه قالي هذي الشروط قلتله طيب دام هذي الشروط ليه تقبلوني مبدئيا قال والله ماعندي اي فكره عن هذا وقفلت الخط

هذي السالفه تهون وانا اخوك اسمع السالفه الي تشيب الراس
طبعا انا معي شهادة الثانويه ومعي دبلوم لغه انجليزيه من بريطانيا دخلت احد المستشفيات ودلوني على مدير التشغيل الذاتي ودخلت عليه واعطيته اوراقي وشاف الاوراق وقالي هذا جميل بس الحين مافيه وظائف وانا رحت افتح معه حوارات عن الواسطه تخيل وش قالي اذا عندك واسطه ليش ماتكلمه يتوسطلك اطرق باب الواسطه ؟؟؟؟ تخيل مدير ويقول هذا الكلام ايش تتوقع من الباقين مانقووول غير الله المستعان

مابي اطول عليك اخوي محمد / الله يوفق الجميع [/align]