السلام عليكم ورحمة الله وبركاته


بدخل ع طول في الموضوع


مطلوب معروض حلو عشان ارسله للاسره الحاكمه اطلب فيه بيت لجارتنا
حالتهم مايعلمبهم الا الي خلقهم

ابوهم متزوج ثانيه صغيره في السن وتبرا من ام عياله (( جارتنا ))

جارتنا كبيره في السن عيالها عددهم 10 من ذكر وانثى وكلهم يدرسون اكبر واحد عمره 22 سنه وعاطل

احنا نساعدهم بالي نقدر عليه

تكفون ابغالي معروض محترم بارسله
لخادم الحرمين الشريفين الله يطول في عمره
والي بقدر يوصلني لتويجري في الديوان الملكي اكون له من الشاكرين

والي بيساعدني له دعوه في ظهر الغيب



انتظر ردودكم

مالك الا برقية عن طريق الاتصالات السعوديه

الله يفرج همهم عن جد ابوهم ذا مايخاف الله

انا شغال بالديوان الملكي بالنسبه للتويجري مايخدم احد الا بأمر من الملك لانه من حلال الدوله مو حلال التويجري

انا سبق وقدمت معاريض كثير ولم يتجاوب معها

افضل شي برقيه عن طريق STC

مالك الى الله
عسى الله يصلح الحال

الي عمرة 22 صر عليه خله يشتغل ويصير رجال

كثير من البيون الي دخلتها احصل رجال وعاطلين ليه مايدور شغل بدل جلسة البيت

اللة يكثر من امثالك

الله يوفقك يارب

اخي الكريم ..


مثل ما قالو الشباب حاول ترسل عن طريق الاتصالات السعودية ..

او حاول تتواصل مع احدى الصحف المشهوره التي هدفها خدمه المجتمع مثل صحيفه سبق الاكترونيه ..

وان شاء الله تعالى صوتك يوصل ..

اسأل الله ان يفرج هم كل من ضاقت عليه ..

علق قلبك بقاضي الحاجات ومفرج الكربات وأرسل له برقية ممزوجة بدموع الأسحار وسترى الأمور متيسره بشكل لم تتخيله
أسأل الله أن يفرج همك وهم هذه الأسرة وهم كل مسلم ومسلمة