السلام عليكم ورحمة الله وبركاته

أولا أنا ماني مصور ولا لي بالتصوير اساسا
لكن من القهر صورة صورة سريعه تمثل معاناتي

أنا تخرجت من الكلية التقنية وأخذت المركز الاول على دفعتي
ولكن صار لي تقريبا سنه عاطل

والسبب كله الواسطه
الشباب اللي معدلاتهم 2 و و 2 نص موظفين في احسن الاماكن في الوظايف الحكوميه بالواسطه

وانا ما عندي واسطه كل ما قدمت على وظيفة حكوميه قالوا سقها ما عندك واسطه
يقولون لي دايم ( ليش ما تقدم عالشركات )
ما فيه شركه اعطتني راتب اكثر من 3000
وسابك وارامكو والكهرباء قدمت عليها ولا شفت منهم رد


على كل حال طولت الكلام
مع اني ابي اختصر الموضوع في ( الواسطة تقتل الكفاءة )



واعذروني على رداءة التصوير وعلى رداءة الخط

الله يرزقك بالوظيفة الي تناسبك

زين طلعت القهر اللي فيك بسوي مثلك هههههههههههههااااا

اكثر من الاستغفار وانا اخوك

الشكوه لله

صورة ماهتميت للخط او طريقه تصوير ،، جذبني اكثر شئ انها تعبر عنك من غير ماتتكلم لان كفائتك ما افادتك وهالشئ يظلم ،،
الله يوفقك

الله يوفقك ويرزقك بالوظيفة الحلوة

سبحان الله وبحمده ,,

الله يوفقك ان شاء الله وتلاقي الوظيفة اللي تتمناها .وافضل لك انك تمشي امورك بالشركات ولك مجتهد نصيب واذا اثبت وجودك راح تلاقي عروووض مميزة ولاتنسي ان معدلك ممتاز جدااا
وفيه الكثير اللي بدا بالقليل ولاتتناسب مع معيشته ولكن الظروف اجبرتهم
والان يعتبرون من المميزين في الشركات لانهم اثبت وجودهم وارتفعت رواتبهم وكثرت وعلاقاتهم
مع اطيب تمنياتي

صورة رااائعة ومعبرة جدا

والله يعين الجميع ان شاء الله