أخواني أعضاء شبكة حلول البطالة بعرض درجاتي لكم وقولوا وش رايكم فيها
الثانوي تراكمي 92.45
القدرات 73
التحصيلي 57😣
الكفايات 27😣

كلكم بتقولو كويسه 😌لكن أنا ما خليت تقديم إلا وقدمت عليه ويفتح الله بتقولوا ( توافيق ) ماعندي مشكله😔
ولا وحده انقبلت فيها حتى الكليات العسكريه والكهرب وغيرها في ناس أعرفهم درجاتهم أقل منّي وانقبلو😰
المشكله إني في مجتمع كله عسكري وكلهم إذا جيت أخذ رايهم يقولو العسكريه جندي وراتب واصبر مثل الرجال😜
وقبل كنت أقول لا والله ما أقدم عليها 😷وألحين الظاهر إني بصبر شهرين كذا وأقدم على جندي
ملينا من هالواسطات ماخلو للمواطن البسيط شيء
والله إنها قافله معي 😖

عادي ،،
انا معاي ماجستير علوم حاسب
وماخذ باللغه 6
و عندي دورات
وما لقيت وظيفة

تدري ليش ؟؟


لان ابوي ما يعرف واسطة

وانا اخـــووك اذا ودك تكمل الدراسة الجامعية
روح للمناطق النـآئية مثل الجوف عرعر تبوك والله ان امورك تمشي سهله والاربع سنين ترآهـآ مو شي ..؟

او قدم على الابتعاث وان شاء الله تتوفق .,

الرزق على الله

انت قدم على اللي يناسب شهادتك ولا تخلي اي تقديم تحصله

قدم وانساهـ ولا تستصغر شئ ابدا

ما تدري وين الله كاتب لك الرزق فيه

اتمنى لك التوفيق

الرزق على الله ..

اصبر ان الله معه الصبرين

يمكن رزقك في مكان افصل من تقدمت لهم ...

ياعلها خيررررره لك ..

عندك شركة سابك قدم فيها + صدراة + معادن + مسابقات وظيفية ( عندك موقع وظيفة كوم روح لقسم الوظائف الحكومية الي تحت )

ولا كمل دراستك بجامعة قسم انجليزي ممتازه وسلاح ذو حدين قطاع التعليم المدني ولا الشركات الكبرى ولا البنوك ولا المستشفيات الكبرى كلهم هالقسم مرغوب عندهم ...

ولا تابع هالموقع الوظائف المدنية ولا الشركات الكبرى ...

لاتيأس ياولد الحلال هذا اختبار من الله ولا تتحطم

الله الي رزق العباد موب العباد الي ترزق العباد

خلك ايمانك قوي ودعو الرحمن وستغفر وصل معه الجماعة وصل الرحم وقرارة القران والنفقة كلها اسباب للرزق..

اتفق مع كلآم قلب الاسد
كمل وش ورآك . .
بالتوفيق لك

اخوي مدهر
اخي جامعي طفران
السلام عليكم ورحمة الله وبركاته
خلوا املكم في الله سبحانه
ولا تقولوا فلان و واسطهـ
اسعوا والله اللي الرازق
وانصحكم بالاستغفار تجلب الرزق
بالنسبه لاخوي مدهر
انصحك تكمل جامعه اربع سنوات تمشي بسرعهـ ولا نحس فيها
خذ لك تخصص حلو ومطلوب والتوظيف لها سريع يعني ادرس قسم شاغر
حتى بعد اربع سنوات

قلب الاسد
حيرآنووه
بيري الهواجر
غريم حايل
عاشق اسبانيا

الله يوفقكم ويسعدكم مثل ما أسعتدوني وعطيتوني دافع
والله يجزاكم خير وراح أخذ بنصايحكم وفتحتوني على مواقع وشركات والله يبعدكم عن كل مكروه
وكل واحد منكم يستاهل أثني عليه.

وأنا وجامعي طفران عسى الله يكون في عونّا وييسر أمرنا وأمر جميع المسلمين

شوف وأنا أختك مالله يسكر لك باب إلا يفتح لك باب أحسن من الأول والخيرة فيما كتب الله أخواني كانوا مثلك وترى صعب بالثانوي أن تقبلك الكليات العسكرية لكن بإذن الله لما تأخذ شهادة الجامعية تتسهل أمورك شوف التخصصات المطلوبه في الكلية الأمنية وأختار التخصص اللي يناسبك في الجامعه وشد حيلك وبأذن الله تمشي أمورك وخاصة أذا كان طولك وزنك مناسب وتراهم محددين الطول بس مأتذكر والمهم أيضا يناسب الوزن وأقبلوا أخوي الحمدالله بدون واسطه ولاشئ وهذا اللي أعرفه والله يوفقك