اولا كم معدلك لو معدلك مثل ماهم طالبين لأبتعاث الملك عبدالله بن عبد العزيز
حفظه الله ورعاه سجلي التسجيل فاتح الان ولو تنطبق عليك شروط هذا الابتعاث
مره لا تشلين هم افضل جامعة ولا اي هم ثاني فقط تفرغي للدراسة
لأن ابتعاث خادم الحرمين يستهدف الدول التي لها الافضلية للدراسة فيها
عموما امامك تخصصات إدارية وتخصصات طبية
افضلها التخصصات الطبية
وبأمكانك اكمال ماجستير فيزياء ماعندك اي مشاكل ولو اخذتي الماجستير
الدكتوراه تصير عليك بسيطة وتصير مرتبتك عالية وبعدها لا تخافين
بما انك تحملين شهادة عليا
واما عن المحرم فأنا مدري اي ابتعاث تقصدين هل هو على حسابك الخاص
والا اي ابتعاث
لو ابتعاث الملك الان التسجيل وبعده يمكن 3 شهور يسوون لكم فيها
دورات توعوية وتعريف ببلاد الابتعاث وبعض النصائح
والارشادات وبعدا تبدا قطع جواز السفر وتتحدد الرحلة سواء بعد اسبوع والا بعد شهر
اما سنة كاملة تنتظرين المحرم مامعك الا تسجلين السنة الاجية لأن المحرم
هذا مربوط دراسيا ولو تأخرتي تنتظرين المحرم راح تجيك الدفعة الثانية
الي هم الخريجين الحديثين ويقدمون على الابتعاث
عموما المسألة تتوقف على معدلك ان كان هو على حسب ماهو مطلوب
فأنا ارفع لك الشعار الاخضر الذي يفيد بالعبور وعدم الخوف
وان اردتي الاطلاع على الابتعاث وشروطه ومعلوماته واي معلومات عن دولة الابتعاث
فأليك هذين الموقعين

اولا : موقع وزارة التعليم العالي التقدين للأبتعاث عن طريقه

http://www.mohe.gov.sa/ar/home.htm


ثانيا : موقع التوجيه الجامعي اي معلومة تخصك كأنسانة حاملة
شهادة البكالوريوس

http://www.college-help.org/

وان كان معدلك اقل من ماهو مطلوب في ابتعاث الملك
فعليك الدراسة على حسابك الخاص لمدة ترم واحد
او سنة وبعدها لك الاحقية كمواطتة سعودية تدرس في الخارج
على حسابه الخاص الالتحاق ببرنامج خادم الحرمين الشرفين


اي استفسار في خدمة ابناء وطني . . .

من منطلق الوحي والرسالة ادعو لكم بالتوفيق . . .