11-08-2012, 02:54 AM
|
 |
عضو مهم جداً
|
|
تاريخ التسجيل: Jan 2010
الدولة: مكان لايوجد فيه عاطلين
المشاركات: 557
معدل تقييم المستوى: 71
|
|
اقتباس:
المشاركة الأصلية كتبت بواسطة راجي فضل ربه
الأخ هيبة أسد بالنسبة لمعمل الجبس يحتاج التالي قوالب سيلكون وقوالب فيبر جلاس وقوالب زجاج للسقف النازل الساده وجبس بودرة 40 كيلو جرام بـ8 ريال ولفة شعر اللفة بـ 160 ريال تقريباً فيها 100 كيلو وبراميل زيت يبغالك تريلا جبس التريلا تقريبا تشيل 600 كيس ولفات شعر يعني تاخذ 10 لفات اقل شيء وطاولات يشتغلون عليها العمال للقوالب وشناكير لتعليق الانتاج حتى لايكون فيه اعوجاج بالنسبة لجبس الكورنيش وغيره
وبالنسبة للانتاج اما بالراتب او حسب الانتاج ولكل شكل ياخذ مبلغ معين الي ريال والي عشرة ريال مختلفه بكذا العمال بيشتغلون بحماس اكثر
وبالنسبة للتوزيع تتفق مع معلمين الجبس وتوزع عليهم والي يطلب كميه توديها للشغل اذا كان عندك سيارة والي كميه قليلة هو يجي ياخذها والصب العاده يكون على حسب الطلب وبالتأكيد العمال مايقعدون فاضين بتصب وتعرض بنفس ورشتك مع العلم انه الجبس مايبغاله عشر دقايق عشان ينشف
وطريقة عمل الجبس هي كالتالي خلط قليل من الزيت مع الماء ودهن القالب به ثم عمل خلطه من الجبس ( جبس + ماء ) وصبها بالقالب ووضع الليف ثم وضع طبقه اخرى من الجبس وتركها لدقائق
يعني هو الي يكلف الايجار والقوالب والسيارة لو حبيت تشتري اما المواد الخام رخيصه
الله يوفقنا واياك ويفتح لنا ابواب رزقه والجميع امين
|
اخوي راجي كفييت ووفيت عندي استفسار الله لايهينك
الارض والسياره موجوده ولله الحمد وعندي مبلغ طيب تحويشت العمر ههه ماني كاذب عليك اني ترددت كثير خايف من الخساره ولكن قررت بعد توكلي على الله اغامر والله كريم المهم
هل يفضل ان العماله الي بتكون في المصنع واحده انا افكر اجيب عماله مغربيه واخرى باكستانيه ؟؟
ثاني شي الباكستان في ديرتي ماسكين الشغله مزبوط ( احتكار) واخاف يضيقون علي وش اسوي ؟؟
وهل لازم استاجر معرض اعرض فيه منتجاتي ولا الورشه تكفي لان ورشتي راح تكون في المزرعه ؟؟
جزاك الله خير
|
العرض العادي
