السلام عليكم

عندي توقيع عقد بأحد البنوك وطلبوا مني صورتي الشخصيه! مع العلم اني منقبه ؟
هل هذا شي متعارف عليه بالبنوك؟
صعب اسلمها لرجل , مالحل؟

أنا طلبوها مني قسم الموارد البشرية بالبنك قبل فترة
بس اللي طلبتها مني حرمه مو رجال وما كنت أدري وش الغرض
بس طلعت وحده لفتح ملف لك بالمستشفى لأجراء الكشف الطبي
والثانيه للاكسس كارد
قالوا لي البنات زمان ما كانوا يطلبونها بس الآن تغير الوضع
اطلبي حرمه تخلص اجراءاتك
الله يوفقك يارب ويتمم لك على خير

شكرا أختي على ردك أفديتني كثير، وحابه اسأل لو تفضلتي كم أخذتي من يوم تقريبا بعد التوقيع والمباشرة

انا كنت موظف باحد البنوك ( سابقآ )
طبعا كل بنك يختلف عن بنك اخر
وفي موارد البشريه كلها رجال في بعض البنوك
وفي موراد بشرية نص سيدات ونص رجال في بعض البنوك
وكل بنك لها سياسه معترف بها ..

مقابلة شخصية >> اختبار تحريري >> كشف طبي >> توقيع العقد ( طبعا على حسب البنك ) انا مرت بهذي طريقة
طبعا اخذت مني شهر واسبوع

ذا كان العمل بالفرع / يحدد لك كم فرع > الفروع اللي فيها نقص ( خدمة عملاء - صراف - خدمة ذهبية )
وذا كان العمل بالادارة / يحطونك على تخصصك والقسم المناسب لك

الفروع يبدا عملهم من 8 ونص حتى 4 ونص
الادارة يبدا عملهم من 9 ونص وحتى 5 ونص ( ساعة بريك )

الله يوفقك وين ماكنت ..

تقصدين كم جلست بعد توقيع العقد جلست اسبوع بعد توقيع العقد فتحت لي حساب وسويت الكشف الطبي واعطوني ثلاثة اوراق اعبيئها اللي هي المعرفين موظفين من اهلك او قرابتك او اي احد تعرفينه موفقه ان شاء الله

زلزال , عايشة بغفله
يعطيكم العافيه ماقصرتوا
انا بالاداره ,فتره اسبوع قصيره ,انا محتاجه ارتاح نفسياً شوي لان لي سنتين من بعد التخرج ماخذت اجازه
وابي يكون عندي حماس , راح اشرح لهم انو ابي وقت شوي عشان تقديم الاستقالة وان شاءالله يتفهمون
شاكره لكم

عادي اتوقع عندك ثلاثين يوم بعد توقيع العقد مو شرط تداومين بعد اسبوع هذا اللي اعرفه عاد مدري استفسري او بتلقين هالكلام عند توقيع العقد
الله يوفقك ان شاء الله ويتمم لك على خير