الابتعاث والوظيفه !!؟

صفحات في حياتي · #1 (**permalink**) 06-08-2012, 12:52 AM

السلام عليكم
انا تعينت معلمه و مرشحه للابتعاث و ابي اسافر اككمل دراستي
اقدر اقدم اجازه بدون راتب من اول ما اباشر
او استثنائي او اي اجازه
ياليت الي يعرف يجاوبني بالخطوات

معلمه مرشحه · #2 (**permalink**) 06-08-2012, 01:20 AM

هلا اختي صفحات في حياتي

وانا مثلك تماما وماني عارفه راسي من رجولي بهالموضوع

قوية بربي · #3 (**permalink**) 06-08-2012, 02:30 AM

اتصلوا على ادارات التربية والتعليم واستفسروا منهم ،،، استغلوا الوقت قبل ما يخلص دوامهم في 25

ربي يكتب لكم الخير

صفحات في حياتي · #4 (**permalink**) 06-08-2012, 02:47 AM

يعطيك العافيه

كلمة لبيد · #5 (**permalink**) 06-08-2012, 02:48 AM

الله يوفقك ان شاء الله

ساعة السَّحَر · #6 (**permalink**) 06-08-2012, 03:24 AM

انا اعرف وحدة اختارت الابتعاث وتركت الوظيفة
و
وحدة ثانية قالت الوظيفة اهم وقطعت بعثتها وجاءت للمقابلة ومسوغات التعيين

المهم إذا مالقيتوا حل كل وحدة تختار اللي يناسبها

وانا عن نفسي اشوف الوظيفة أهم

أوطان مزهرة · #7 (**permalink**) 06-08-2012, 04:03 AM

هالمواضيع المفروض السؤال فيها يوجه للجهه المختصه
وهي راح تفيدكم بالصحيح

ندى الايام · #8 (**permalink**) 06-08-2012, 04:17 AM

الوحدة تدرس وهي على رأس العمل علشان تحسن من وضعها الوظيفي

أو انها تكون غير موظفة وتدرس عشان تعزز من فرص الحصول على الوظيفة

أما انها تدرس وتترك الوظيفة هذي نادرة جدا

الا لما تكون الوحدة موبحاجة للوظيفة ماديا

أو انها تكون شغوفة بالعلم

شوفي انتي بالضبط ايش اللي يناسبك

واستخيري وتوكلي على الله

صفحات في حياتي · #9 (**permalink**) 08-08-2012, 12:23 AM

اقتباس:

الا لما تكون الوحدة موبحاجة للوظيفة ماديا

أو انها تكون شغوفة بالعلم

والي اجتمعت فيه الثنتين الحاجه والطموح
وش يسوي؟؟

باطله عاطله · #10 (**permalink**) 08-08-2012, 12:51 AM

اختي انا كنت مبتعثه سابقا <<<<لاتقلبين المواجع
مافيه احد ماسالته مااقدر اخذ استثاني واكمل في البرنامج ابدا
تركت الابتعاث وهذاني انتظر التوجيه باذن الله لانو محتاجته اذا مو محتاجه الوظيفه توكلي ع الله
واهم شي الاستخاره

وان شاء الله اطلع يعد سنتين من الخدمه ابتعاث ويكون عندي راتبين
باذن الله