اخواني الاعزاء السلام عليكم ورحمة الله وبركاتة وبعد
هذه اول مشاركة لي ارجو منكم ان تتفاعلوا معها ولاكن بكلمة الحق ندخل بالموضوع

تخيلو قدمت لعيالي بالتأهيل الشامل بجازان من شهر 1432/6 العام الماضي وكل ماراجعت
يقولون بعد شهرين وا وا الى شهر 1433/4 ولم احصل حتى على ارقام المستفيد بعدها
قدمت على الوكيل المساعد بالرياض للنظر في موضوع التأخير وانصافي ماقصروا ارسلوا
بالفاكس لتأهيل جازان بالافاده عن سبب تأخير تسجيل اولادي حتى رقم طلب لهم مافيه
وعلى قولهم الله يكرمكم انتظر ياحمار حتى يجيك الربيع من شهر 4- الى شهر 8- واخيرا
جات الافاده لقد تم التسجيل يعني سجلوهم بتاريخ كم 1433/8 وعطوني ارقام المستفيد
وبياناتهم ماطلعت على النت اللى 5 رمضان هذي السنه طبعا زي ماتعرفون الحاله جديده
بدون بطاقه رحت الضمان عندي بالرياض وسألت متى تصرف لهم البطاقات قال الموظف والله البطاقات
صرفت من شهر -8-وبعدين يقول ليه مستعجل توك مالك شهر مسجل قلت طيب متى ممكن يصرفون قال بعد الميزانيه
الجديده فهل يعقل هذا الظلم سنه راحت بدون فايده والان انتظر لبعد الميزانية
ليش ميزانية مملكتنا تعيش دول ماهم قادرين يصرفون للمعاقين حسبي الله علا كل ظالم وحق
عيالي الله يحاسبهم عليه حساب عسير .. دخلت على مدير التأهيل وقلت وين انصاف اولادي
سنه ماسجلولهم ولا شفت منكم حق تتوقعون وش كان رده قال احمد ربك انهم سجلو عيالك
مين تتوقعون يطلع حقي انا وعيالي مملكتنا فيها خير وميزانيتها تعيش دول ليش ننتظر
للميزانية وليش ماانصفوا عيالي والا احسن لي اروح سوريا والا العراق عشان ممكن ينصفوهم
هناك ليه يااخوان يتعاملون معنى كذا واحنا سعوديين وأولاد هذا البلد واحنا اولا بكل خير
من هذا البلد ... ارجو منكم الافادة والمعذرة على الاطالة وشكرا لكم