بسم الله الرحمن الرحيم

اسأل الله يوفق كل من دخل لموضوعي وييسر اموره ويفرج همومه ويسعده دنيا وآخره ويحقق له مايتمنى آآآآآآميييييييين

انا تعين يا اخواني بحفر الباطن وانا والله اجهل هذي الديار ابي منكم بعد الله في ترتيب القرى حسب الاقرب للحفر
وياليت تخدموني بعد في الشقق المفروشه ابي شقق رخيصة ونظيفة

والقرى
ام عشر -القيصومه- الصفيري - القلت - الفاو الشمالي - درب الابل - النظيم- الرقعي - الصداوي- ام كداد -معرج السوبان- خبيراء- السعيرة الذيبية - النايفية(ذبحة)-المدينة العسكرية -سامودة - ام قليب- مناخ - الحيرا- القرعاء - اللصافة - المتياهة الجنوبية

واخيرا الله يسعدكم وابي طريق طيب وزين من جدة للحفر ويكون قريب ربي يفرج همومكم آآآآآآآآآآآمين

الله يكتب لكم الاجر
معقولة مافيه احد من حفر الباطن

الحمدلله اني دخلت موضوعك , لأجل اكسب دعواتك الطيبة
وكل عام وانت بخير أخوي متفائل ومرحبا بك من جديد في منتداك بعد طول غياب

ألف مبروك التعيين الله يجعل وظيفتك هذي فال وفاتحة خير عليك مدى الحياة يا أخي الكريم

ان شاء الله تلاقي اللي يرد على استفسارك من أهل حفر الباطن


بالتوفيق لك

اقرب شيء للحفر الذيبيه ثم القصومه ثم المدينه العسكريه انا روح دايم للحفر وعرف هل مناطق بس السعيره بعيده عن الحفر

ونصحك لاتستعجل بالاختيار لن فيه قرى ذكرتها لانصحك بسكن فيها ,ذيبيه كويسه وانت ذكرت النايفيه فيه حي بالحفر اسمه نايفيه اذا كان هو الحي اختاره

الله يوفقك اكيد اذا من جده تنزل على المدينة المنورة بعدين القصيم ومن القصيم للحفر اول مايجيك الذيبية والنايفية اعتقد كذا اقرب لك وبعدها القاعده مدينة الملك خالد العسكرية
السعيره والصداوي بعيده عليك اقرب للي يجي من الرياض والدمام فقط
الرقعي على طريق الكويت والنظيم على طريق رفحاء بعد حفر الباطن الأفضل لك الذيبية او المدينة العسكرية موفق خير .....،، بالنسبة لسكن ماعندي اي معلومة عنها المعروف ان اهلها ناس طيبين وينحبون وتتأقلم معها لكن الله يعينك على جوها في الصيف