بسم الله الرحمن الرحيم
السلام عليكم ورحمة الله وبركاته
أتقدم بخالص التهاني والتبريكات للمقبولين نهائيا بكلية الملك فهد الأمنية دورة 42

( وحوووش 42 )
وأخيرررراً بعد طول انتظاااااااار



واللي ما انقبل .. أسأل الله العلي القدير أن يعوضه خيرا منها و والله ان هالأمر يُحزننا .. لكن صدقوني : إن الله كاتب لكم اللي أفضل منها .
ولا تيأس إذا فيه فرصة لك ثانية .. قدِّم . وإذا ما فيه .. الله بيعضوك بأفضل وأريح منها
أبشركم انقبلت ولله الحمد والمنة

[ اللهم لك الحمد كما ينبغي لجلال وجهك وعظيم سلطانك ]
في هذا الموضوع راح نتطمن على بعض ... وراح نناقش أمور الـ 45 يوم بالتفصيل
وبإذن الله تعالى ماراح يقصر معنا أي طالب دبلوم بالنصائح والمشورات ... ووإلخ


وياليت ترفقون علينا بالـ 45 يوم

...........................................
أولاً : التخصصات النظرية ( اللي دراستها أربع سنوات )

مدة الدورة : سنتين .. بعد التخرج = ملازم بأقدمية سنة
طبعاً التعيين بالقطاع قبل نهاية السنة الأولى بإسبوع . والسنة الثانية راح تستلم راتبك الأساسي فقط كامل
ويقولون إنه حول الـ 9000 .. ما عدا المباحث = الأساسي + 35 % = يعني تقريباً حول الـ 12000
* ملاحظة : السنة الثانية قطاعك هو اللي يصرف لك راتب . الكلية مالها أي دخل فيك من ناحية الأمور المالية .

وإذا انتهت السنة الأولى فيه تطبيق مدته أظن شهر أو شهرين بنفس قطاعك [ لك الحرية تختار أقرب مكان لقطاعك لك ]
وأيضا المساندة في الحج لا تنسونها .. تراها إجباري


ثانياً : التخصصات العلمية ( اللي دراستها خمس سنوات + الطب )

مدة الدورة سنة .. بعد التخرج = ملازم أول بأقدمية سنة
والتعيين بالقطاع قبل انتهاء سنة الدراسة بإسبوع .
ثالثاً : القطاعات التي يتعين فيها الطلبة الجامعيين من كلية الملك فهد الأمنية :
1- الأمن العام ( الشرطة – المرور – أمن الطرق – دوريات الأمن – الطوارئ – أمن الحج والعمرة – الأمن الدبلوماسي )
2- الدفاع المدني
3- قوات الأمن الخاصة
4- الاستخبارات العامة
5- المباحث العامة
6- الجوازات
7- كلية الملك فهد الأمنية
8- مركز المعلومات الوطني
9- مركز القيادة والسيطرة
10- مكافحة المخدرات
11- حرس الحدود
12- الخدمات الطبية
13- السجون
14- أمن المنشآت
15- ديوان الوزارة
وطلبة الدبلوم إن شاء الله ماراح يقصرون معنا بأي شيء بحكم خبرتهم الواسعة
تحياااااتي وتقديري لهم . وعلى رأسهم ضابط الصف ( ضابط طوارئ )
وياليت تشرحون من طقطق إلى السلام عليكم
وأيضا المستلزمات اللي راح نجيبها .. ماهي نصائحكم والكمية هل نزودها ووإلخ.
لا تقصرون معنا الله يوفقكم ..






يالله ابي افرح طمنونا يا شباااااااااااااب
كل واحد انقبل يجي بعدي ويكتب رقمه ترتيباً
1- أخصائي إكلينيكي
شباب اللي انقبل يضع رد و ينسخ اسمي ويكتب اسمه وراه ويضعه كمشاركة
واللي بعده ينسخ ويضع اسمه وهكذا ..عشان نعرف من اللي انقبل .


...................................


وما يلي : مُشاركة لأخونا طالب الدبلوم / ضابط الصف


" ضــــــابط طوارئ "


الجزء الاول

|
\
|
\
|
\

بسم الله الرحمن الرحيم ..
السلام وعليكم ورحمة الله وبركاته ..
كيف الحال يا شباب شخباركم .. ان شاء الله طيبين .. اليوم بأكتب كل شيء عن الـ 45 يوم بأذن الله وبأحاول ان شاء الله اختصر بأكثر شيء ممكن ..


في الكليه راح تشوف كل هذي النوعيات ..

العربجي .. المطوع .. الجداوي .. الملتحي .. الكول .. راعي الحمضيات .. العادي .. الراقي .. الملحط .. الغني .. المتوسط .. الفقير .. الكريم .. القعيطي .. النظيف .. الوصخ .. المتعلم .. الشخص اللي اخذ شهادة بكلوريوس وهو ما يدري وين الله حاطه فيه .. البدوي .. المتحضر ..

مل الاشكال اللي تتوقع انك تشوفها راح تشوفها .. لذلك البعض عنده حزازيه شوي .. وما عنده تقبل لرأي الاخر .. او شكله او مظهره او اسلوبه .. وهذولي اللي راح يعانون .. خلك دبلوماسي وحاول تتعايش مع الاوضاع ..

اللي يجمعكم شيء واحد بس



ما جا ولا واحد فيكم في هذا المكان الا يبغا اعلى المراتب وارقاها واشرفها ..
البعض توقع انه خلص اصعب المراحل وبداء بأسهلها ,, اقول له غلطان انت الان على محك اكبر ضغط نفسي بتمر فيه بحياتك .. اما انك تجتازه وتتخرج من مدرسه الرجال .. او لا تجتازه وتكون المدنيه افضل الخيارات لك ..
اذكر .. كلن وامكانياته ..


....

الجزء الثاني
|
\
|
\
|
\

اولا المستلزمات اللي تحتاجها جدا بالدوره : -
(انصح ان الشيطه تكون كفرات وبعنف)
1- عدد جيد من البدل السماويه .. مع العلم انه ترى فيه مغسله .. من ناحيتي اخذت 6 .. لكن اشوف ان عدد 3 مناسب .. (نص كم) لا احد يجيب كم طويل ما يحتاج
واحد تلبسه .. وواحد بالشنطه .. وواحد بالمغسله
2- ملابس داخليه (ما تحتاج الفلينه ولا السروال اصلن ممنوعه لبسها .. القصد سروال داخلي .. سروال سنه .. او بوكسر انت وظميرك عاد ) خذ العدد اللي يناسبك
3- بيجامه نوم كحلي ..
4- مصروف شخصي .. مع اني افضل البطاقه - فيه صراف . بس لازم يكون معك ضابط صف وزي كذا علشان تصرف -
5- قبوعين ابيض ساده .. (كاب)
6- فرشه معجون شمبو .. مزيل العرق .. و الشمبو حق الجسم لأنك بتخيس
7-شراريب ابيض واسود انصح تكون من السميكه
8- بخاخ او بودره للرجل (مهمه مهمه مهمه) لأن نص الدوره بيجيها الله يجيرنا ويجيركم مويه في اصابعهم من كثر لبس الجزمه والبسطار بالحر ف هذي تخفف الموضوع
9- زنوبه وانتم بالكرامه لدوره المياه
10 - منشفه حمام كبيره
11 - حذاء رياضي .. ويفضل تروح البطحا اذا انت من الرياض وتشوف المحلات اللي تسوي تخفيضات خذ لك جزمه ماركه .. انصح بـ ريبوك اديداس او نايك لكن بشرط تكون واسعه لازم تكون واسعه لازم لازم لازم الى اخر درجه لازم تكون اكبر منك بنمره
لأنك بتنزعج منها بعدين او تسبب لك الفطيرات لو كانت ماسكه عليك .
12 - نموذج تحويل الراتب تطبعه وتروح فيه للبنك يكتب رقم حسابك ويختمه لك .. علشان تنزل لك المكافأه


هذي المستلزمات ..
بعد الـ45 يوم لها مستلزمات ثانيه لكن هذي الاوليه ..
(اذا انت كنت تحس انك انسان صامل .. ولو تنشوي بالشمس وتتهزاء لمده 45 يوم .. وعلى قولتهم سواد الشمس ولا سواد الوجه .. وانت اصمل شيء بالحياه)
من الحين رح محل الملابس العسكريه فصل لك بدله مموه فقط .. لأن بعدين بتعطيك الكليه بدله مموه بنص الـ 45 يوم وبتكون مقاس XXXL وانت نحيف وعصقول وموب طويل احيانا .. فـ تكون تركض وانت ماسك سروالك .. طبعا هم يسوون الشيء ذا علشان يشوفون انت بتنفذ الاوامر ولا لا
وعلشان تتعود على اي شيء ممكن يصير .. فـ لها طابع نفسي كبير .. لكن اذا تبي تفصل من الحين .. فصل .. وخل واحد من اخوانك يجيبها لك في الزيارات .. وخذ قبوع مقاسك ..
لكن لا تحضر فيها ولا بتجيب العيد بنفسك .. لأنه حتى بعد ما يعطونكم .. محلا لتفصيل في الكليه زحمه وما يخلص الا بعد اسبوع اقل شيء .. فـ اللي عنده اخوان برا وطولهم زي طول بعض ومقاس بعض يفصلها على مقاس اخوه .. لكن انصح انك تفصلها قبل ما تدخل مره وحده .. بس موه .. الكحلي منتب لابسه الا بعد الحج ان شاء الله

....

الجزء الثالث

|
\
|
\
|
\

نجي الحين على الروتين اليومي اللي بيصير لك .. بتدخل بالشنطه حقتك المدرج كلن على حسب فصيله وسريته ..
فجأه بتلقى وكيل الفصيل ينادي الاسامي اللي عنده .. رحت .. بتدخلون كل 4 في غرفه ..
بتطالعون بعض .. كل واحد يقول للثاني .. وش ذا المكان اللي حطونا فيه .. الغرف 99% منها مغبره الى اخر درجه .. لأن فيها مسامات مفتوحه (خروق) او (فتحات) فـ عج الرياض الممتع لمده شهرين .. فـ وش ممكن تحصل المكان او كيف .. بتشوف انه مكان ما تجلس فيه القطاوى خصوصا انك باقي ما انتقلت الى الحياه العسكريه
وهدف الـ 45 يوم هو تحويلك الى الحياه العسكريه .. في ناس بتطنقر وناس بتنفس .. وناس بتاخذ اليوتيرن بس تبي تشوف وش اخرتها .. بيجيك وكيل الفصيل اللي انت بتحس انه بثر 90% منهم بيمنع النوم على السرير .. الا مع بروقي نوم ... يعني حتى لا تنسدح فيه
فـ بتقلبون الطراحات لأن الوجه اللي في الخشب اقل غبره من اللي فوق .. الله يعينكم على العطاس اللي بيصير بسبة ذا الغبار ..
بتقعدون كذا تطالعون بعض نص ساعه وبيجي الوكيل البثر يراقب عليكم كل فتره من اللي جالس على السرير ..
بيدق البروقي وبتنزلون للميدان لأول تصليبه في الحياه .. اشكالكم بيض .. مدنيين .. نظيفه ملابسكم .. ويجون ضباط الصف في كل فصيل يثبتون الواحد زي المسمار(وانا مع الشده هنا .. لأنه الواحد لو تعلم التصليبه اول اسبوعين خلاص ما عنده مشكله لو يقعد 3 ساعات ) فـ الاساس لازم عليه الشده
بتقعدون من 30 الى 45 دقيقه .. بتشوفون كيف ضباط الصف يرفع التمام ,, بيكون منظر غريب عليكم .. كل فصيل فيه 50 الى 55 واحد كلكم جديدين على بعض .. شعورك هو شعور الواحد يوم دخل اولى ابتدائي الحصه الاولى .. لكن الفرق انكم بتنامون مع بعض وبتاكلون مع بعض .. وبعدين بتغيرون قدام بعض (مرحله مستقبليه ملحقين عليها)(طبعا كل واحد لابس سروال السنه حقه وكذا موب الوضع بحريD


بتتصلب .. في هذا العج الجميل .. بتطلع فوق .. بتقعد 5 الى 7 دقايق .. وما احلاها اذا تكرم الضابط وخلاها 10 دقايق .. بترجع وتتصلب .. وهكذا .. الين قبل اذان المغرب ب 10 دقايق .. يرفعون التمام ويرجعونكم .. تتجهزون للصلاه .. تصلون .. تطلعون على الميدان تتصلبون .. الين قبل العشاء .. تطلعون تصلون .. يجي تمام العشاء .. بروقي نوم .. وفي الاخير تروحون عند وكيل الفصيل يصرف لكم بطاطين وشراشف و مخدات وملايات
لكن قبلها يبيلكم تنظفون الغرف ..
بعدين كل طالب بيشتري بـ 45 ريال ملايه طراحه و ووساده بـ 5 ريال .. = 50 ريال .. اجباريه ومفيده .. كويسه مره .. تصير ما عاد ترتب الشرشف .. مرتب لحاله .. هو والوساده .. تتغير كل شهرين او شهر ونص او الين تصفر تصير مجبر على تغييرها .. علشان لا يجي الضابط بعد الـ 45 يوم ويحجزك ..
يسوي الوكيل جدول .. كل يووم عليك مهمه .. يوم غرفه ويوم حمامات ويوم اسياب ويوم ممرات خارجيه وهكذا ..
اسواء الغرف في النظافه تتعاقب بطوابير اضافيه .. فـ لو انت كنت من المحظوظين وكان في غرفتك ينام ظابط صف .. اوتوماتيكيا غرفتك بتكون من انظف الغرف وما بتتعب كثير ..
بعد ما تنظف .. تغير السماوي ويالله على الصلاه ..
يوم السبت والثلاثاء .. حصص رياضيه بعد الفجر .. على سنتنا بدوها بالمشي مو على طول جري .. تخلص الحصه .. ترجع الكتيبه .. تفطر .. ترجع الكتيبه .. 5 دقايق والبروقي دق .. تنزل ميدان . تصليبه .. 45 دقيقه او ساعه على حسب البرنامج .. يصرفونكم .. بعدها بـ 5 دقايق يدق البروقي .. تنزلون تحت تصليبه ثانيه .. في هذي الحاله حالتك النفسيه تكون تحت الصفر .. وتسبسب .. بس يفضل ما احد يسمعك .. خذ الموضوع بفله ولا بتتعب ..
بتتصلب .. وبعدين يمكن يجمعونكم ويعرضونكم عند العميد او اللواء .. يقابلكم يسمع شكاويكم شوي وكذا .... بترجعون ..

بأختصار :
في الـ 45 يوم ..
انت اول ما تقوم من النوم اما يكون عندك حصه رياضيه او حصه عسكريه (يعلمونكم الحركات العسكريه .. تحت اشراف ضابط - قائد الفصيل - وفرد - مدرب- )
او تصليبه .. الين اذان الظهر .. تصلون .. وترجعون تتصلبون .. تخلصون تصليبه تصلون العصر .. تاكلون غداء .. ترجعون تتصلبون .. لين المغرب .. تصلون .. عاده ما يصير فيهاذا الوقت اي شيء .. فتره اللي بين المغرب والعشا هي فتره الراحه .. وياكرهي في شاعر يقعد يتنطل بين الغرف ويزعج اخوياه اللي يبون يرقدون
لين العشاء تصلون تعشون .. بعدها بيناطون ضباط الصف كم طالب مسحوبه بطايقهم ويمدونهم بالميدان ويصلبونهم يدق بروقي النوم بعدين نوم .. وهكذا طول فتره الـ 45 يوم ..

مع الملاحظه : ان
1- ذهابك للحصه
2- ذهابك للميدان
3- خروجك من الميز
4- دخولك الى الميز
5- ذهابك الى المسجد


....

الجزء الرابع


|
\
|
\
|
\



كله بركض .. ما بتركض ببساطه بياخذ لوحه اسمك ويقول هرول .. وفي الاخير دق في الميدان ..
فـ بتكونون زي او احنا كنا والعالم كانوا وكل الدورات التاهيليه كانوا زي القطيع تلقاه يركض كذا بلحاله ..
ممكن وانتم طالعين من الميز تحصلون نقاط تفتيش اش بطه ولا تمشي بطه وزي كذا وهرول ..


وفجأه في يوم 20 شوال .. يحظرون باقي طلبه الدبلوم (اللي مو ضباط صف) .. وتجي الطقطقه الاصليه على اصولها ..
نف اللي تطقطق عليهم السنه الماضيه بيطقطقون عليكم وكل دوره تطقطق على الدوره اللي قبلها ..
وكل هذي مفيده علشان تخلي الواحد الضغط النفسي حقه التحمل عنده كبير

بيتطقطق عليكم في اشياء كثيره ما يعلمها الا الله ,.,
اذا انت زعول ممكن تستقيل بسبب اللي بيصير لك ..
نصيحتي لك
في يوم 20 شوال .. امش جنب الجدار .. واذا شفت دبلوم في اخر السيب رح اختر طريق ثاني تمشي منه
لأنك عرضه للمصخره ..
غير كذا اصلن بيدورون عليكم بالغرف ويطقطقون عليكم هناك من الطفش اللي فيهم .. فـ ملحقين خير من الحين اقول لكم
لا احد يشيل على خاطره وترى الوضع طبيعي وخذوها بمزوح وتقبلو الضغط النفسي وثقاله الدم اللي بتصير منهم ..

بتسمع كلمه انت باقي ترى بقلم الرصاص .. ما تثبتت بكره ممكن تاخذ شنطتك .. وهذي تشكل ضغط كبير بعد ..
لأنها تنرفزك لدرجه ان ودك تطلع من العسكريه .. لكنها مفيده وتنقلك من المدنيه الى العسكريه .. علشان بكره اذا صار اي شيء تكون انت تتحمل اللي يصير في اصعب الظروف ..


بعد دخولكم بأسبوعين تقريبا يبدا التعليم .. يصير تقوم من النوم تغسل اللي عليك .. تصلي .. يكون عندك حصه رياضه او عسكريه ... بعدها تروح على التعليم الين الظهر ..
والتعليم مفيد جدا .. النوم فيه ممتع .. مع انه يمكن يحجزك الضابط اسبوع هذي مخالفته لكن في الـ 45 يوم يسلكون لكم كثير ..


نروح لمشكله ممكن تواجهكم .. الكانتين ..
او البقاله خخخخ ..
المكان هذا مخيف .. لأنه فوق الاللف طالب ومافيه الا فتحتين تقريبا او 3 فتحات فتكون عليه زحمه .
طبعا بالـ 45 يوم ممكن يمنعونكم خير شر تشترون من هناك يا تاهيلي .. ويمكن يسمحون لكم بعد ثاني اسبوع على حسب انظباطكم ..
ممكن يجي دبلوم وانت قدام الكانتين تنتظر دورك لك نص ساعه .. ويجي يثبتكم كلكم ويقول للوراء در وانصرف .. ويجي ياخذ الشباك بارده مبرده ..
لكن قليلين اللي من النوع هذا ,.

علشان كذا لو كنت تعرف كم دبلوم كويس ممكن يصير يشتري لك افضل لك من التمصخر كل شوي ..


\
\
\
بعدين بتنصرف لكم البساطير .. فـ خذو المقاس اللي اكبر من مقاسكم بنمره .. واحيانا يكون خلصت المقاسات ويكون مقاسك 43 وتاخذ مقاس 45 .. وتكمل فيه الـ 45 وبعدين تشتري لك ..
شيء يقهر صراحه لأنه افضل نوع في البساطير هو حق الكليه

اذا صرتم كـ فصيل يد وحده .. وساعدتم بعض في النظافه .. وما احد تكبر على الثاني قال انا بكلوريوس او ماجستير او من عائله فلانيه انظف حمامات بدت المشاكل .. وممكن حتى تترك الكليه بسبتها ..


- - -

اهم شيء يثبتك بعد الله ويسعادك في تخطي الـ45 يوم .. من الحسد ومن الضغط النفسي
1- انشغل ..
طيب بأيش انشغل
بالاذكار .. بتتوزع عليكم بأذن الله من اهل الخير اذكار الصباح والمساء .. لا تفارق لسانك .. لانك اصلن بتكون منفس اكثر من نفسيتك وانت تنتظر النتائج يمكن ميه ضعف !
2- دخل الكلام من اذن وخرجه من اذن ثانيه
لأنه بتحصل كلام من الدبلوم .. ومن واحد اشهب (الله يجيرنا) في حصه الرياضه مدرب بيقعد يسبسب وانت حالتك حاله منتب ناقص اللي فيك مكفيك ..
3- اقلبها وناسه وتخيل انها رحله .. ولا تركز على الاشاعات .. لأن اكثر شيء بالحياه ومن مصادر موثوقه على قوله بعض الناس الاشاعات
4- خذو النصايح من طلاب دوره 41 . واسمعةوا كلامهم لأنهم سبقوكم في المجال هذا وهم اخبر بأشياء كثيره


\
|
\
\
\

ملاحظه اخيره .. احذر من ان تنقفط وانت تدخن بأذكر لكم سلم درجات .. من 1 الى 5 .. اذا انقفطت من 1 يعني انت يمكن تمشي معاك وربك يستر عليك لكن كل ما زاد الرقم كل ما قربت من المشكله :
1- طالب الدبلوم المدخن
2- طالب الدبلوم غير المدخن
3- ضباط الصف
4- الضابط المناوب
5- النقيب الحريقي



\
\
\
\
\


- - - -

اظف الصور هذي بعد في الموضوع ونسقها

بأعطيكم جرعه خفيفه ..



الله يذكر الرقيب ذا بالخير .. والله يا كان مهجد الشعب


هذي صوره لأحد الدورات من سنتين وورا

هذا افضل شكل ممكن تتخيلونه للغرفه وهذا بعد التنضيف .. واعتقد انها غرفه دبلوم .. لأنها نظيفه شوي .. واهم شيء شوفوا اللي في الدرج سائل معقم اليدين
الغرفه فيها 4 مكاتب ودواليب متلاصقه والغرفه فيها 5 ..
يعني اخر اثنين بالزاويه بيتشاركون بالدولاب وهذا من اسواء الاشياء اللي ممكن تصير ام الزحمه


اهم شيء بالجزمه انها تكون فيها فتحات تتنفس منها ارجولك لأك بتطول ما بتفكها ومهم تكون واسعه



اللي باليسار بجامه النوم .. وفلينه ديكور بيضاء تحطها بالدرج لأنك موب لابسها و السماوي ..

....


دعواتكم لـ ( ضابط طوارئ )

....


وين طلاب الدبلوم أصدقائي وزملائي
< -- هذي خارج الكلية أما بالميدان لا أسمعك تقولها
ههههههههههههههههههه شويّة رحمة

الف الف الف مبروك لجميع اللي انقبلوا ..

انا شكلي بحط موضوع للمكروشين
هههههههههههههههه
الله يوفقكم يارب

الحمد لله والله ماني مصدق يأخوان والف الف مبروك للمقبولين وحظ اوفر لغير المقبولين

مبررررررررروك لكل المقبولين

شباااااااااااااب مبرووووك للجميع
ابشركم انقبلت معكم..
متى موعد الدورة...؟

الحمدلله انقبلت

مبرووووك لكل المقبولين

والى ما تم قبولهم الله يعوضهم بخير منها


،،



1- أخصائي إكلينيكي
2-عازف منفرد

الله يوفقكم يآرب والله اني اتمنى لكم كل خير

شباب شئ مهم لازم تعرف اللي لك واللي عليك في نظام الخدمة العسكرية "للظباط حتى تتجنب المشاكل"

هذا الرابط واسم الكتاب هو (نظام خدمة الضباط)

1- أخصائي إكلينيكي
2-عازف منفرد
3- خ نايف