السلام عليكم
تكفون يالنشاما ياعزوتي
متى تقديم الحرس الملكي ملفات
انا سجلت من شهر 6 ونسيت كل معلوماتي الحين والى الحين ما وصلني اي اتصال ولى شي
وش السواه تكفوون
افيدوني جزاكم الله خير

نفس حالتك قدمت من اول ما تخرجت عام 1431 والى الحين لم يردون على بشئ

لو احد يعرف اي شئ عن حالتنا يعلمنا

يجي من يفيدك

شباب فيه ناس اعرفهم عز المعرفه بحارتنا قدمو ١٤٣٢هـ
ونتظرو سنه كامله وماتصلو عليهم

المهم اتفقو وراحو اثنينهم وراحو لبيت

الفريق / عبيد بن غثيث العنزي


ودخلوو عليه وشرحو له الموضوع وعلى طول كتب على ملفاتهم يعتمد توظيفهم

والحين مخلصين دوره ومبسوطين


جربوو وروحو يمكن تصدف معكم

السلام عليكم و رحمة الله و بركاته


يا شباب ابعلمكم شغله في ارسال الرسائل للمقبولين

اللحين النظام في الحرس الملكي يكون كل المتقدمين احتمال يكون في النظام 5000 الاف صفحه للمتقدمين هم يختارون عدد ان النظام يرسل رسائل على من تنطبق عليه الشروط بعدد 100 متقدم

فالنظام في الحرس الملكي يرسل على اللي في الصفحه الاولى ثم الثانيه ثم الثالثه وهكذا

فيه ناس مقدمين من عام 1430 ما جاهم شي لانهم في النظام رجعوا ورى كثير صاروا في صفحات متأخره
و كل ما جى فرز ارسلوا للـ 50 صفحه الاولى و هكذا


انتم لازم تحدثون بياناتكم و تراقبون المنتدى في حال احد قال ان وصلته رساله اسألوه و استفسرو منه متى قدم و وش مؤهله عشان تعرفون الفرز انطبق على من


بالنسبه لك تقول شهر 6 قدمت يعني لك 3 شهور و دخلت على الشهر الـ 4 يعني اصبر يالغالي لا تستعجل فيه ناس مقدمه ما وصلهم الفرز الا بعد سنه و الفرز يصير كل 6 شهور الى 7 شهور اصبر يالغالي و بعدين وشلون تقول نسيت معلوماتك !!

المعلومات وش تقصد فيها ؟؟

ما يطلبون منك اذا تم قبولك الا

صوره من الاثبات مع الاصل
صورة من المؤهل
صوره من كرت العائله
صوره من المؤهلات الاخرى ( دبلومات - دورات )

و المعلومات اللي هي اسمك و رقم اثباتك و رقم جوالك يعني ما فيه معلومات مطلوبه منك اذا تم قبولك



اسال الله العلي القدير ان يوفقكم كلكم و يسهل اموركم ان شاء الله

الي طوله 175 وما فوق يروح لمكتب التجنيد يوم السبت وان شآء الله تلقون الي يرضيكم انا مقدم لي سنتين بالحرس لا جاني قبول ولا شي يوم سمعت ان فيه ملفات تقديم بجده رحت واختاروني وسوي لي ترشيح وخلصت اموري كلهاا المتقدمين كثير بالحرس عن طريق النت والكثير مقدم وتجيهم رسايل ولا يروحون يانهم لقوو وضيفه يانهم مايبون يتعسكرونن انتظرو لين يوم 7 وان شآء الله احد ينقز بالمنتدى يبشركم بالتقديم والتقديم لمده اسبوعين يعني لا تخاافون والله ودي اخدمكم اكثر بس ما باليد حيله مريت بمرحلتكم اعرف شعوركم لكن الله يوفقكم ويكتب لكم الي فيه الخير

للرفع

فيه اعلان تقديم امس بصحيفة الجزيره

السلام عليكم يااخوان حاب استفسر ياغاليين وخاااااص لى مجنون زعلاتك
يا غالي هل في تقديم في الحرس ها الاسبوع والا لا انا طولى175 ووزني 93 ومعي شهاده ثانويه عامه وحاسب سته شهور المعدل 80
تكفي تكفي ياغالي ردلى بسرعه عشان بكره الاحد بنطلهم ان شاء الله

تحياتي لكم بتوفيق يارب