هي شركة حكومية مثل أرامكوا ....

أكثر من 25 مشاهدة بس واحد رد ...

الامنيه هيبه وكمان رواتب حلوه

لو شركة كبيرة ومضمون مستقبلها مثل ارامكو وسابك وشركة الكهرباء كان بقولك توكل على الله

بس غيرها لا

مو بسبب الراتب بل بسبب الامان الوظيفي والراحه في العمل فالحكومة افضل من الشركات

ياشباب للتوضيح هي شركة حكومية تابعة للدولة ....

انا بقول لك شي هنا اللي يفتي من راسه كثيررررررررر يجيك مطفي النور يسوي فاهم وهو من جنبها فانا نصيحتي لك استخر واسئل ناس بنفس الشغلة يعني لو تروح مثلا لمقر الشركة وتسئل وتروح لعساكر تخرجوا من الامنية وهكذا هنا صدقني في ناس تفتي من راسها وماتعرف شي وبيضيعووونك

بالتوفيق

ياخوي شوف انا لو جتني شركة معادن حلوة لأنهم يعطونك سكن فله دورين بالهيئة الملكيه ،،، إن كانت الشركه بالهيئة الملكيه توكل على الله لأنك تقدر تكمل دراستك وتجيب شهادات وترفع من مستواك ومع الخبرات ما تدري وين تصير وكم يصك راتبك ،،، إن ما كنت ميال للدراسه اكثر رح للكلية لأنها هيبه وياما ناس ما تسوى شيء بالنجمة صارت لهم قيمة بين الناس ،،

السلام عليكم ورحمته الله وبركاته

وكل عام وانت بخير

انا اعرف شركة معادن 2 من عيال خالتي موظفين فيها واحد سكرتي وواحد بالاطفاء واثنينهم مالهم 3 سنوات بالشركه
ورواتبهم الاي بالاطفاء تسعة الاف وشوي ولا سكرتي 7 الاف وشوي بالاضافه كل سنه لك بونص يعادل 3 رواتب اساسي وغير الدورات الخارجيه وغير الزيادات السنويه والشركه مالها الا حدود عشر سنوات او اقل يعني توها جديده ولها مشاريع كثيره باراس الخير ومهد الذهب وحزم الجلاميد وحاليا فيه مشروع في حايل بيفتح ب2015 الشركه واعدين الموظفين بان كل موظف له بيت نص على الشركه ونصف الاخر عليك وحاليا فيه حي بالجبيل الصناعيه لشركة معادن بامكان الذهاب اليه لكي تراه بنفسك الشركه جدا قويه جدا ولها مستقبل كبير حيل يعني ماتتفوت ابد ومع عيال خالتي ظباط من العسكريه والحين مشرفين امن وراتبهم افضل بكثير من العسكريه والشركه تراها حدود 70% للحكومه والباقي متوزع لسابك وللشركات الخاصه


العسكريه لا بونص ولا مستقبل ولا زيادات ولا بيوت ودوام زفت ومرابطات ولا تقدر تسافر برا الا بالسنه مرره اذا تبي نصيحتي رح لمعادن انا بنفسي شايف عساكر بمعادن طلعو من العسكريه وراحو لمعادن


والاخيار لك انت

وشكرا جزيلا