السلام عليكم
اخواني وخواتي تعبت ادور مشروع خاص فيني انا اديره واباشره
ولكن في فكره خطرت ببالي امشي فيها الين القى المشروع اللي يناسبني
بس ماعرف كيف انفذها و وين ابيع!!!
المشروع هو عطور اصليه طبعا مثلا مثلا اللي خطر ببالي يوم رحت اشتري عطر شالمر وجيفنشي الجديد
شلمر سعره 500 وجيفنشي 400 وعليها كم عشره
خالي صديقه عنده محل ويعطينا العطور بسعر الجمله
خالي جاب لي شالمر ب370 وجيفنشي 280
تخيلو لو اخذ منه كميه حسب طلبات الناس بس كيف اجيب ناس تطلب لو بانزل اعلان بالنت وش اكتب
وكيف اوصل لهم الطلبيه واكد لكم العطور اصليه نفس اللي بالراشد والظهران مول بس انها بسعر فرقه كبير
وكم رايكم ابيعه يعني كم اخذ فايده بليز انتظركم

مشروع حلو كثير

والافضل تنفيذه باي مجمع نسائي

تستاجري كشك وتبداي البيع فيه

عطور واكسسوارات وبخور

وتحطي عروض وباذن الله موفقه

الاهم دراسة المشروع بالكامل

اعلني بالنت اول و شوفي الطلبات و جيبي من المحل بنفس الطلبات كذا تظمنين ان أس مالك ما يضيع

اعرضي عن طريق النت

وتضعين صوره لهذه العطور

وتشرحين نسبة التركيز للعطر والدوله المصنعه له ( لأن بعض العطور لها اكثر من مصنع )

وانصحك ببعض المواقع تضمن الحق للطرفين

وتضعين خصم للكميات الكبيره

وجهة نظر هي اهم شىء تكوين قاعدة عملاء لمتجرك الألكتروني


بالتوفيق