السلام عليكم ورحمة الله وبركاته
بصراحه اللي شجعني افتح هالموضوع لاني شفت بنات الدبلوم ماشاء الله مجتهدين وكمان الرجال مجتهدين خصوصا بعد ماطلع احتياجهم صفر بس الخريجات اللي معاهم البكلوريوس مالهم حس مادري هل كلهم متوضفات مافي الانا وثنتين شفتهم بهالمنتدى عاطلات والا وش السالفه
بنات هذا الكلام مايصير كل الخريجين يطالبون بحقوقهم الا احنا
نبي نسوي تجمع
عاد بنات لازم نحس شوي والا بتروح علينا احنا كرفنا كرف مو طبيعي وهذي اخرتها
انا درست خمس سنوات وماني تربويه ودراستي كانت بالانقلش وهذي اخرتها
تصدقون ابي اخذ دورات بس مادري وين ؟؟؟
حاسب وتخصصت فيه ولغه حمد الله استفدت كثير من الدراسه
يعني اتعب على نفسي شويتين بالقرامر واصير تمام
وش اسوي بنفسي اخاف عمري يروح وانا ورا هالشاشه اكتب واخرتها

جاني احباط

معقول مافي وينكم يالعاطلات

الحاسب بالسعودية تخصص منكووب

بكالوريس باللغه الانجليزية كامل الدراسة وخمس سنوات
وبالأخير عاطل

الله يسهلها

حطمونا..
الحاسب المفروض يكون التخصص الاول
خاصة ان المملكة في تخلف تكنآلوجي

منتظرين الاحتياج هالسنة والله يعين

نورهان تربويه انتي ???
تبخرت امالي الله يرزقك بالوظيفه اللي تتمناها يارب وماشا الله هالسنه الرياضيات والانقلش ماشيين فيه تعيينات واحتياج
اما احنا الله يعوضنا خير يارب

هلا -أختي وانا كمان زيك خريجه علوم الحاسب الآلي والمعلومات وتعذبنا واخرتها مالنا نصيب - قالو لازم تكوني تربويه وأخذنا التربوي وهذا إحنا قاعدين نستنا - الله يفرجها علينا قولي امييييييييييين

حبيبتي يوجد تجمع مثبت

للوظائف الغير تعليميه الاداري للبنات


موووفقه

اغلب بنات الحاسب اللي اعرفهن عاطلات ما ادري ليش وزارة الخدمة مهمشتنا ، شهادة ولغة وش يبون بعد!!!

منهوله الله يعينا يارب هذا وانا متحسفه ع التربوي مااخذته هالسنه طلع المشوار قدامي طويل الله يعيين يارب طيب كم سنه لك وانتي عاطله تدرين ان اغلب المناطق لسا ماتخرجت منها اول دفعه لكن انشا الله يدخل على المرحله الابتدائيه ونتعين يارب

اهلين مشرفتنا منوره موضوعي
انا شفت موضوعهم بس كان اغلبهم خريجين اداره ودبلومات ماشفت خريجات حاسب عشان كذا فتحت هالموضوع