يا ناس ياعالم رحت مكتب الضمان اليوم عندي مراجعه , وفرحانه اني ياستلم بطافة الصراف ,لآني جديده
ويوم اني وصلت وبعد صف طويل عريض من الطوابير ومن نافذة الى نافذة مسؤول يقولي ان النظام عطلان ,
ولما سألته وقتله طيب لو جيت الأسبوع الجاي خىص يخلص موظوعي , قال بيخلص ان شاء الله بس جيبي معك معرف ؟؟ هنا سألته وشهو يعني معرف . قال واحد من اهلك اخ ولا عم ولاخال اي احد يعرفك ؟
قلته انا يتيمه وماعندي هالمعرف من وين اجبيه ؟ ... وبعدين الأسبوع الجاي مدارس ودوامات وحوسه ودنيا مالها اول من اخر .... وش السواه ؟؟ قال مدري صرفي نفسك ؟
ياربي وين اقط بوجهي عند فلان و فلاتان . انا لو حولي احد يعني قدمت على الضمان ؟
قلته طيب الوالده ما تعرفني عندها بطاقت احوال ؟ وهي موجوده معي ؟ قال لا لازم رجال !!!

وش السواه ياجماعه الخير مع هالمعرف وانما ماعندي احد غير الله سبحانه .
طيب اليه مايفتحون قسم نسائي هو اللي يطبق وتعرف على الحرمه ؟ حتى لو مكتب او مكتبين على الاقل ؟
دلوني على حل الله يجزاكم خير .

والله ياعندنا تعقيدات وعثرات فى طريق المراه لاتعد ولاتحصي يعنى انتى يتيمه من وين بتجيبين معرف

المفروض الى بحالتك يكتفون بالوالده يعنى المعرف ممكن يكون اكبر داج وفاشل ومع كذا حاطين له اهميه
ولازم ماتمشي امورنا الى من ورى وجهه دبرى لك معرف ياحياتى ولا بيطلعون روحك بلدنا للاسف همش المراه
حتى لو هى صاكه الثلاثين وفوق لازم جيبى بزر ماكمل 18 سنه يعرف عليك ضمان زى وجيهم حتى الشغالات صارو و يستلمون اكثر منه وفوق هذا تعقيددات وقرف[align=center][/align]

الله يعين الجميع

لايفوتكم يا جماعه آخر ما توصل له مكتب الضمان الأجتماعي من إجراآآآآآآآآآآآت جديده
هذا ياطويلين الأعمار ,,,,,, بعد قطت وجهه عند فلان وفلاتان ما لقيت غير ولد اختي الله يحفظه (( يعرفني في الضمان )) طلعتة من مدر سته ورحت معه والله وجهي من امه وابوه والله فشيله .

المهم
الولد عرفنني ومشت الأمور على ما يرام واستلمت البطاقه ولمن يافرحه ماتمت لما جيت آخذ القم السري سألني الموظف من معرفك قلته ولد اختي قال ما يصلح ؟؟؟ ليه جلست احاول معه يمين يسار فوق تحت ياابن الحلال انا ماعندي احد يتيمه واخواني يشتغلون يعيد ما يجون غير خميس وجمعه وش السواة ؟؟ قال قلت ممنوع وهذا نظام ؟

قال ملك الا حل واحد أخذي هذي الورقه وختميها من مكتب التسول تخيلوا ((((( مكتب التسول )) مره وحده سألته ليه قال هناك موظفه خليها تطابق بياناتك وتتطابق صورتك مع البطاقه الشخصيه
انا في هذا الوقت و

بالله عليكم له داعي هالبهدال كله ؟؟ لمن نشتكي ؟ لمن نتكلم ؟ على هالظلم , مواطنه محترمه بنت ناس , وحمايل الظروف حدتني على الضمان , يسون فيني هالأهانه ؟

حبيبتي لو طلعتي بطاقه شخصيه من الاحوال بتنحل مشكله المعرف طلعيها وعزي نفسك الله يوفقك يارب

حبيبتي انا ماعندي معرف مثلك
لكن عندي بطاقة احوال اللي فيها صورتي
انا ضمان الاحساء اعطاني ورقة للبنك عشان التعريف
اروح لهم ويشوفون صورتي ويتاكدون ثم يختمون عالورقة
ورجعت الضمان والامور تمام وسلموني البطاقة
ربي يسهلها عليك