السلام عليكم ورحمة الله

حبيت اروي لكم مراجعتي لمستشفى عسير للتقديم على التشغيل الذاتي حسب
التخصصات المطلوبة توجهت الي الشؤون الصحية في حي الرابيه بالقرب من مستشفى
عسير المركزه و توجة الي المبنى التشغيل الذاتي بقصد التقديم ولما سالتهم وين
التقديم ابغى اقدم قالو لي اذهب الي ادارة التشغيل الذاتي بالمستشفى ورحت للاداره
اللي بالمستشفى ولقيت زحام متوسط على التقديم من الخريجين الصحة البعض
منهم رجع غاضب يلعن ويسب قلت خير ان شاء الله وش السالفه رد واحد منهم ماهم
طالبين صيادله قلت الله يكون بالعون ان شاء الله الاقي تخصصي فني اشعه والحمد
الله لقيته مطلوب لكن المطلوب فني اشعة طب نووي قلت وفي نفسي وش المقصد
من الطب النووي مو مشكلة خلني اقدم واشوف طلعت الدور الثاني في ادارة التشغيل
الذاتي واخذت استماره وعبيتها ولما جيت اقدم الموظف قال انت عارف وين المستشفى
اللي طلب فني اشعه قلت لا مو مبين في الاعلان قال لي روح اسال مدير شؤون
الموظفين ورحت للمدير وسالته قلت له وين مطلوب فني الاشعة في اي مستشفى ؟
قال لي في مستشفى عسير عندنا قلت تمام يوم سمعني قلت تمام قال لي انت
فني اشعه طب نووي قلت نعم قال لا انت فني اشعه فقط و المطلوب فني اشعه طب
نووي !! قلت وش الفرق ووش معنى الطب النووي قال لي مادري !! ههههه صراحه
خوش مدير يبي يمشيها علي قلت له باقدم وباشوف قال قدم مصير ملفك ينرمي
قلت ليه ينرمي قال اللجنة طالبه فني اشعه طب نووي رفع ضغطي خرجت من عنده
وقدمة قال لي الموظف وش قال المدير قلت يقول اقدم و اللجنة تحكم على الملف
قدمة وعطاني رقم الطلب لكن والله ان الواسطه شغاله قدام عيني في اشخاص جائو
للتقديم لو تشوفونهم قلتوا هذولي موظفين قاعدين يضحكون مع موظفين التشغيل
الذاتي وسمعته يقول له سجل اسمك و المستشفى اللي تبي تشتغل فيه و اترك
الباقي علي قدامي . اخخخخ يالقهر خرجت من المستشفى وعرفت ان التقديم
كله واسطات ولا عيني عينك بعد . اللي مايعرف عن صحة عسير شيء ففيها اكبر
مافيا للواسطات حسبي الله عليهم مايخالف لو يتوسطون لناس محتاجه للوظائف
لكن يتوسطون لناس والله ان النعمة باينه في وجههم وسياراتهم فخمة لكن وش
نقول مالنا الا الدعاء و الرزق على الله .

حسبي الله ونعم الوكيل

ما ذبحنا الا الواسطات في كل مكان


والحل طيب لين متى واسطات في واسطات وش ذنب الي ما معه واسطه


تذبحونه وهو حي


الله يفتحها في وجيهنا ويرزقنا بالوظيفه الي تريحنا

الله يعين بس