السلام عليكم ..

اخواني انا طلبوني نطاقات ورحت لهم وانا معاي شهاده دبلوم فني سجلات طبية
وبعد المحاضره كالعاده ..رحت لمسؤؤل التوظيف ..
المهم عرض عليه ( حامل حقائب) اه بالقهر بس وربي بغيت اجيب اجله ..

وعرض علي حارس امن ..

المهم قلت له انا ابي في مجال تخصصي (فني سجلات طبية)

قال المستوصفات مايعرضون وظايف كثير ..ومدري ايش من الكلام ذا
قلت له ليه تنادوني وماعندكم وظيفه ليه .؟ قال فيه وظايف غير تخصصك ..قلت بالله ترضي لاخوك يشتغل حامل حقائب ..وممارد عليه ..
قلت اذا عندك فني سجلات طبية كلمني ..والله يعطيك العافيه ومشيت من عنده ..

واليوم مرسلي رساله بوظيفه منسق عروض .؟ ووش الوظيفه ذي ؟
وشرآيكم فيه ؟انا ما ابي الا في مجال تخصصي ..والظاهر انه بيحرمني من حافز ..

ههههههههههههههههههه، والله أخوي كلامك يموت من الضحك، بس قول يا رب تنسيق العروض أفضل من حااااااااااامل حقائب، حلوة وظيفة حامل حقائب هذه، هههههههههههههههههههههههههههههههههههههههههههههههههه ههههههههههههه، رح أموت إلحقوني يا ناس، ربنا ايوفقك

شـي يرفع الضغط وربي ..آخخ يالقهر

منسق عروض اشوفها كويسه افضل من حامل حقائب

اتصلو ع بعد وحضرت عندهم وقالو راجعنا بعد اسبوع ومدري ويش بيسوون انا تخصصي جغرافي مدري ويش بيخترعون لي وظيفه

ماعليك منهم لاهو ولا عشره من أشكاله ولا يقدر يوقف حافز لاهو ولا الف من أشكاله
واحد من أخويا كل بعد فتره يتصلونبه ويصرفهم لأنه عارف الوضائف الي عندهم أسئله قل وش الوضايف

الي عندك ولا خلك على كلامك أبي نفس تخصصي لاصار عندك نفس تخصصي أتصل علي

وخليك شغال معاهم تصريف مشغول أنا بعيدوووووووووووووووووووو

المشكلة مو في توقيف حافز المشكلة اكبر من كذا
دقوا علي ورحت لهم ومحاضرة طويله عريضه
والنتيجة = منسق خضار في بنده & حارس أمن
الشغل مو عيب ابدا ابدا لكن (( لما الدوله تجيب شركة عالميه بالتوظيف والمحاضر يقعد يتفلسف
ويقول حنا كنا باستراليا وبريطانيا ونجحنا هناك وحنا على مستوى عالي من الاحترافيه
وفي النهايه تقدم وظائف بسيطه مثل هذي لأسخاص جايينك معاهم شهادات وخبرات لاتقل عن 10 سنوات
وتقول هذا الموجود !! ياخي انا لو ابغى الوظايف هذي رحت لهم دايركت من غير ما اكحل عيوني بطلتك البهيه ))
فعلاً نطاقات حطوه عشان تكسير المجدايف فقط اما وظائف ودورات تدريب حقيقه ماعندهم إلا ((الدجه))

ماإصدق !!!!! حسبي الله ونعم الوكيل

صحيح الشغل مو عيب
بس عيب ان الواحد يشتغل شي مو في مجال تخصوصي
اجل عندي دبلوم او شهادة جامعية اشتغل وظيفة اللى المفروض تكون لخريج ثانوي او متوسط
معليش انا ما اقلل من مستوي اللى مؤهلوا متوسط او ثانوي بس لو انتم فالحين كنتو كملتوا دراستكم
واللى يقهر كمان اللى عندوا ثانوي يتوظف حكومي في وظيفة اللى المفروض تكون لخريج دبلوم او جامعي
الدنيا ماشية بالمقلوب !!