اول شيء اسلم عليكم ,, واعلمكم اني انقبلت في مستشفى الملك خالد للعيون ,, ووش صار معي , وباختصر لكم ,,

طبعا اتصلوا علي وقالوا لي عندك بكرة مقابلة مع مدير التوظيف ,,
تحمست وقمت بدري ,, كويت الشماع وضبطت المرزام ,, وحطيت طقم اقلام في جيبي ,, المهم وصلت عندهم ,, قالي الموظف انتظر شوي انتظر لي نصف ساعه ,, قمت وطليت على مدير التوظيف اشوف ,, لقيته فاضي شوي ,,بس الظاهر يبي يلطعني,, لازم يسوي شوي مهم ,, المهم دخلت عنده ,, سلمت عليه ,, صراحة قمة الاخلاق والتعامل ,,شوي بدا يتكلم وعطاني مقدمة بالانجليزي .قلت ماشاء الله الولد بريطاني ,, صراحة فلته في الانجليزي .
طبعا قال لي درجتي في الامتحان اني ماخذ 70,,وانا متاكد اني ماخذ على الاقل 95 ,, بس يعني حركات ,, لاتغتر ,, وارضى براتب قليل,,
شوي قام يسألني أسئلة مالها دخل في المقابلات الوظيفية ,, اسئلة مشروع خطبة مو مشروع وظيفة .
المهم بدأ يسالني بالانجليزي طبعا ,, طبعا مافهمت اكثرها , ,,,
كل اسئلته (you was , you was )
You was ,, هذي مدري وش هي صراحة انا اخبرها (you were )
واذا صارت سؤال تصير (Were you). وذا من اليوم you was .
حتى بالسلانق الانجليزي ماتجي you was .
عرفت عاد انه من جنبها, وان المقدمة اللي قالها حافظها عن ظهر غيب (اصفق نفسي كانها من عنده ,, لو تقوله عدها بصياغة ثانية بلش ,, هذا كانه بعد مو كاتبها في ورقة وقعد يقراها )
المهم اني رديت على اسئلته ,, طبعا مدري هو يفهم انجليزي او لا,لاني فهمت انه حافظ المقدمة عن ظهر غيب بالانجليزي ,,,ونصف اجوبتي قعدت اشرحها له ,, مافهمها بلش لاني جاوبت بالانجليزي ,,صار كل شوي ,, يخليني اعيد الجواب بالعربي,,
بس بصراحة انا يوم شفت الوضع كذا انبسسسسسسسسسسطت ,, قلت اذا هذا موظفينه مدير التوظيف اجل انا على طول بيحطوني مدير المستشفى ..
بس بصراحة كان قمة وروعة في التعامل والاخلاق ,, ومهذب جدا ,,
تمنيت صراحة انه يكون زميلي ,,
المهم قالي حاليا ماعندنا وظايف ,, وخاصة لك ,,(حركات تحطيم مايعرف)

المهم طلعت انا من هنا ,, الا الاسبوع الثاني ,, داق علي يقولون تعال,,افا ,,قلت خير يعني مقبول ؟ قالوا ايه ,, بس برضوه بنسوي لك مقابلة ثانية مع مدير الموارد البشرية ,(الظاهر التفاوظ على الراتب), المهم قلت ايه ياهلا جاي ,, بتوظف في وكالة ناسا انا ,, كم مقابلة بيسوون لي ؟ .. بجلس كل يوم اجيهم علشان مقابلات ,, بيوظفوني الظاهر مقابلات .لاني بصراحة يوم سالت ,, عرفت ان رواتبهم مرررره ضعيفة .
مارحت لهم ,,خليتهم .
الله يرزقنا باللي احسن منها ,,
ذاتز الل ..
وسلام عليكم

كتبتها للافادة للي عندهم مقابلات ,,,
خلك واثق من نفسك , ومن شهادتك , ومن لغتك ,, وحتى لو قالوا مو مقبول ,, لايهمونك ,, بيدقون عليك ,, بس مجرد تحطيم علشان اذا دقوا عليك وجيت ,, ترضى باقل راتب يقررونه,,

الله يعين الحين الي يبي يتوظف لازم كل الادارات تقابل معاه؟ هذا تطفيش

بالتوفيق اخوي


الله ييسر امركم

المشكلة أنك سعودي ولا بعد لابس شماغ وتقريباً مسوي كوبرى
يعني الولد جاي يقز
الله يوفقك وأنشاء الى أحسن

أذا فيه تقديمات في نفس المستشفى شنو التخصصات المطلوبه أفدنا الله يجزيك خير

حسافة أخوي ليتك رحت وجربت حظك......... دايم المستشفيات رواتبهم حلوة.......ز أقل شئ ستة غير البدلات................ كني شفت دميعاتك نزلت
على العموم الله يكتب الي فيه خير........ على فكرة انت وش تخصصك

شكلي لا رحت لهم بقول انت اقرب للكشخة عشان يوظفوني


بالتوفيق من جد افدتني

الله يوفقك ويوفقني بقبول في أي مستشفى حلمي ألقى وظيفة ثابتة حكومية بالرغم أن معاي انجليزي بس حظي منيل ولا عندي واسطة وبنت؟؟؟؟؟؟؟؟؟؟؟مو ولد؟؟؟؟؟؟؟؟؟؟

اجل ودك يصير زميلك مدير التوظيف؟؟؟ههههههههههه تصدق حتى انا اتمنى يكون زميلي خخخخخخخخخخخخخخخخخخخخخخ يه
اوووص لاتذكرني حجر لي بسؤال هالمديراحرجني شوي بس ضحكت وماعلي فيه ,,
غريبه انت قالوا نظام عقود؟ طيب وش المنصب؟؟؟
الغريب انه قالي ان شاء الله قريب نشوفك وبعد يمكن شهر او شهرين اتصلوا بس مارحت,,
وانت قالك مافيه وظايف واتصلوا بسرعه ههههههههههههه عشانك تمساح يمكن

عاده المسشتفيات والبنوك,,, يكون فيه امتحان قبول ومرات مافيه,, بعدها مقابله شخصيه مع شئون التوظيف وتكون عاديه جدااا ,,بعدها يرسلون اوراقك للقسم اللي عنده شاغر ويناسبك,,عاد القسم يبدا يختار احسن الطلبات,, ويبدا يقابل يقابل,و ومن ثم يختار,, مرات ممكن يعجبهم شخص ولايكملون اتوقع ومرات يشوفون الكل,, حظك ونصيبك ,,
يعني هي مقابله وحده,,, مع القسم اللى مهمه مرره ,,, الاولى تكون مبدئيه والكل تقريبا مقبول فيها الا ان كان مره مره سئ ع