بخصوص دبلوم دايركت انجلش

حلم سيتحقق · #1 (**permalink**) 14-09-2012, 03:47 PM

[align=center]سلام يا حلوين[/align]
ياجماعه انا ماني عارفه ايش اسوي!!
انا كنت بادرس ماجستير بس التسجيل راح عليا و لازم استنى الين السنه الجايه الين ما يفتح التسجيل يعني سنه كامله حأقعد فاضيه !!!! فلذلك قررت بما اني ضعيفه في الانجليزي استغل دي الفتره وادرس دبلوم انجليزي في معهد دايركت انجلش والمشكله لمن سألت الموظفه قالت لي انه مدة الدبلوم سنه انا قلت كويس يعني بمجرد ما اخلص الدبلوم يبدا الماستر ممتاز!!
لكن انا لمن راسلتهم في الايميل قالولي انه الدبلوم لايقل عن 14 شهر < معناته سنه وشهرين
وكذلك كاتبين نفس دا الكلام في موقعهم
بس كلام الموظفه مختلف
ف ماني عارفه ايش اسوي لانه لو المده 14 شهر معناته حيكون فيه تعارض لمن يبدا الماستر لكن اذا مدته سنه انتهت المشكله
والله ماني عارفه ايش اسوي ولاني ما ابغى اضيع سنه كامله عالفاضي
ساعدوني الله يوفقكم لانه التسجيل حيبدا الاسبوع الجاي

الوآثق · #2 (**permalink**) 14-09-2012, 05:31 PM

عادي سجلي فيها
وبعد إنقضاء السنة اعملي إختبار نهائي
إذا نجحتي فيه يمشونك ويلغون الشهرين الاخيرة
بس انت اسأليهم إذا عندهم هالنظام او لا

وبعدين عادي ما تفرق إلا بشهرين فقط
يعني على ما بال تسجلي بالماستر وإنتظار إعلان القبول وباقي الإجراءات
راح يكون خلصتي في هالفترة

وإن شاء الله إنوا يجي من يفيدك اكثر

حلم سيتحقق · #3 (**permalink**) 14-09-2012, 09:13 PM

شكرا اخوي الواثق على مرورك

دانة عزيز · #4 (**permalink**) 15-09-2012, 03:22 AM

الله يوفقك يارب
ممكن سؤل
بكم الدبلوم لو سمحتي

سحقاً للعطاله · #5 (**permalink**) 15-09-2012, 06:08 AM

موفقه بإذن الله

حلم سيتحقق · #6 (**permalink**) 15-09-2012, 04:28 PM

على حسب كلام الموظفه اللي كلمتها قالت لي انه : الرسوم قبل الخصم ب 21 الف لكن احنا دحين عاملين تخفيض ب 12 الف وثمنميه < اذا ماني غلطانه
بس مو متاكده اذا العرض مستمر والا لا بس انشالله يكون مستمر
وعلى فكره ترى فيه دبلوم انجليزي في المعهد الثقافي النسائي فيه دبلوم انجليزي مدته سنتين وفيه تاني مدته سنه وارخص بكتيييييييييير من دايركت انجلش بس مدري ليش احس تعليمهم مش احترافي اذا حابه تقارني انتي روحي وشوفيهم واي خدمه انا حاضره
شكرا على دعوتك الحلوه يااختي دانه

حلم سيتحقق · #7 (**permalink**) 15-09-2012, 04:29 PM

شكرا على مرورك اخي سحقا للعطاله وانت كمان الله يوفقك

الوآثق · #8 (**permalink**) 15-09-2012, 04:31 PM

12 ألف !!!!!!
مبلغ مبالغ فيه بقوووووة

احسن لك تعلمي بلحالك
من النت والكتب وغيره

حلم سيتحقق · #9 (**permalink**) 15-09-2012, 05:38 PM

صح كلامك مره غالي لكن على حسب ما سمعت انه الناس تمدح فيه ، وفيه ناس اعرفهم درسوا في دا المعهد وسارو شي تااااااااااااااني يعني مره اتحسنوا ، وهدا هو المطلوب ، وبصراحه انا كنت اتمنى اني اتعلم لحالي لكن ماينفع لانه لازم احد اكلمه يعني اللغه يبغالها ممارسه زي ماانته عارف وانا عشان كده باسجل في معهد