تأسس الموقع عام
2006
Site was established in 2006
أضف رد |
|
LinkBack | أدوات الموضوع | انواع عرض الموضوع |
|
|||
قصتـي مع حافز ومدى تخبطهم
السلام عليكم ورحمة الله وبركاته .. انا اول مره اشارك بهذا المنتدى الرائع والذي تعرفت عليه بعد جريمة حافز الشنيعه ههههههه (( خصم من دون وجه حق واعذار شبه وهمية او غبيه بالاصح )) ماخليت ولا بقيت اتصلت عليهم عشرات المرات وكل ما اتصل تتضح لي مدى هشاشة هذا البرنامج اللي اسمه حافز وهو حافز للوراء كل موظفه تقول كلام شكل مرا يقولون .... خطاء في السستم وكثير اتصلوا مثلك يشتكون (( طيب اذا خطاء في السستم اغلقوا الموقع وقولوا مغلق للصيانه او اقلها اكتبو تنويه في الموقع انه في خلل )) ومرا يقولون .... راح ينزل المبلغ كامل (( بالله عليكم تبون تقنعوني اللي راح ينزل خلاف الموجود بالجدول .. شكلهم يضحكون علينا )) ووحده من الموظفات قالت ارجعي حطي اصفار وسوي ارسال طلب طيب زمان في اول ايام التحديث سويت ارسال الطلب بالخطاء ظغط عليه جاتني رسالة ع الجوال اني سبق لي الدخول في صندوق التنمية لما رجعت سالت قالي الموظف تعملي خروج لاتعملي ارسال طلب حيروني والله .... ومرا يقولون كثير اشتكى لكن ارجعي شيكي يوم 28 او 29 وراح تجدين انه تعدل او ارجعي اتصلي علينا نعطيك خبر لان (( احنا اللي هم الموظفات طبعا )) رافعين للادارة استفسار فاتصلي علينا نعطيك النتيجة (( يعني مساكين مش عارفين ايش السالفه وليش الخصومات هذي كلها )) ومرا اقولها طيب بقدم اعتراض وبكل وقاحه تقولي مو من حقك تقدمين اعتراض الا لما ينزل المبلغ ناقص في حسابك وقتها يحق لك ولا تعتمدي على المبلغ الموجود بالموقع طيب على ايش فاتحين موقع (( طيب لما ينزل ناقص بيرجع ... نفسي اصدق بس مو قادرة .. )) لاتضحكون علينا اتوقع منكم اي شي وان اللي راح عندكم مراح يرجع والا السالفه الجديده ينخصم من الاعانه لانك تاخدي من راتب التقاعدي من اب متوفى طيب ليش ماوظحتوا هذا الكلام من البداية عند التسجيل او اقلها لما تجيكم الاتصالات تكونوا عارفين السبب للخصم مو بعد عشرين الف اتصال تجون بشي جديد وليش لما نقرب من نهاية الاعانه والا عشان ما مسكتوا علينا اي عقوبه التحديث وماشين فيه تمام والتدريبات انتهينا منها من جد والله قهر لكن ما نمتلك الا الدعاء ان الله يسدد ولاة امرنا وعلى راسهم خادم الحرمين الشريفن ويسخر لنا البطانه الصالحه ويكفينا شر البطانة الفاسدة الحاسدة وحسبنا ربنا ونعم الوكيل
التعديل الأخير تم بواسطة أطيب صديقة ; 17-09-2012 الساعة 10:19 AM |
أضف رد |
(( لا تنسى ذكر الله )) |
|
|
|