معليش سؤال أخونا تدريب

أنا موظف بس مثل قلتها الوظيفة لازيادات ولا شغل بس إسم سعوده وحاب أطور نفسي وإذا الوظيفة تستاهل بفصل منها للمعلومية راتبي حوالي 5500 ريال بس مثل ماقلت لك مهي بتخصصي ومثل قلتها كلها أجانب وأنواع التهميش بالسعوديين فهل تشترطون عدم وجود إسم بالتأمينات الإجتماعية؟؟؟ علما أن وظيفتي دوام مسائي ولايتعارض مع وظيفة اخرى .. دمتم بود

طيب أخونا التوظيف سؤال لو سمحت .. تشترطون عدم وجود إسم بالتأمينات ؟؟ لأني موظف بالإسم للسعودة فقط شغل مافيه الأجانب ماكلين الأخضر واليابس ولا زيادات ولا شي ؟؟ أرجو الإفادة علما بأن وظيفتي دوام مسائي ولا تتعارض مع عمل آخر مؤقتا .. دمتم بود

يا looz جميع الوظائف اللي فوق تتطلب تسجيل إسمك بالتأمينات الإجتماعية ما تشوفه ملون للشباب العاطلين

وكذلك طريقة التوظيف المنتهي بالتدريب أو التدريب حاف , لان الحين هذه حركة جديدة طاحوا فيها الشركات وبالاخص المقاولات ذات العمالة الكبيرة تروح تركض لصندوق الموارد البشرية ( هدف ) وسبحان الله تو يطلع حبها للشباب السعودي وتقول حابه أعطي دورات لشباب وطني الغالي والعزيز على فؤادي ( وهذا الكلام ماشفناه قبل نطاقات إلا من رحم الله منهم )

وبعد ما يتم أخذ موافقة (هدف) يمر صاحبنا على أقرب معهد توظيف وتدريب, ودامه طلع من المعذر وهو ماشي في خريص يشوف مركز باب رزق جميل على طريقه للدوام ويشرب معهم شاهي بالياسمين ويتفق معهم على اعلان زي اللي فوق

ثم تروح توقع عقد لمدة سنة كاملة مع الشركة المتورطة واللي حابه تسعود بطريقة نظامية وفيها لفه
وبعد ما توقع العقد تروح لمعهد التدريب وتكتشف ان الدورة مدتها 11 شهر ( وبعد ما تخلص من الدورة ترجع للشركة اللي وقعت معها وتطبق حق ابو شهر ) وبعدها إذا يقولون لك مع السلامة أو تقبل بالراتب الضعيف اللي وقعت عليه بالعقد أول مرة
وبعد مرور سنة من الموضوع الاول نشوف موضوع جديد من العضو التوظيف والتدريب ويقول فيه:
يعلن مركز التوظيف في شركة باب رزق جميل ( للشباب العاطلين )ـ
وهكذا هي دورة النصب النظاميةوأيضاً تكون خسرت دعم الموارد البشرية على قل سنع, وأما محتويات الدورة فالله أعلم ما بها إن كان يسمن ويغني من جوع أو لا

الله يرحم الملك فهد

جزاك الله كل خير ,, وربي يوفق الجميع