اللي اشتغلت في مدرسه اهلية تقول لي

هل في شي اسمه تدرسين اسبوعين بدون توقيع عقد لتجربه

اللي اعرف ان الوحده توقع العقد من اول يوم يتم في الموافقه ثم تكون في فتره تجربيه لمدة ثلاث اشهر ويحق لطرفين فسخ العقد لسبب ما

بقلك اللي صار وانتو احكمو
حسبنا الله سيؤتينا الله من فضله إنا إلى الله راغبون
قبل امس كلموني مدرسه سبق وسجلت فيها من بداية شهر عشره
قالت تعالي بكره نحتاج معلمة رياضيات وراح تمسكين اول وثاني وثالث موافقه
قلت اكيد موفقه قالت احنا ننتظرك بكره
طبعا فرحت فرحه يالله حتى طار النوم لاني محتاجه الوظيفه نفسيتي تعبت من البيت ومحتاجه اغير جوء واختلط مع العالم واطلع وحس بقيمتي
ذهبت للمدرسه الساعه 10 ونص وبعدها دخلت وقلت انا فلانه اللي كلمتيني امس
قالت وبكل برود سبقتك وحده واخذتها انتي تاخرتي الله يهديك المفروض جيتي من بدري
قلت مو معقوله كذا امس تكلموني ع اني خلاص اجي اوقع ويوم اني جيت احصلكم مسلمينها وحده ثانيه
قالت تفضلي جلست.
وقالت شوفي ياختي احنا بنجربهااااا اسبوع او سبوعين واذا معجبتنا راح نتصل عليك استغربت. قلت انتو ما وقعتو معها عقد
قالت لا طبعا احنا بنجربها اسبوعين وبعدها نقرر وبصراحه هي مو عجبتني البنت مستحيه ومتوتره وانا ابي وحده شخصيتها قويه
وقبل اسبوع كمان كانو مجربين وحده وبعدها كرشوهااا
حسيت بنوع من الظلم لي ولجميع المعلمات حسبي الله عليهم طلعت في هذي الشموس وتبهذلت وفي الاخر مافيه
طيب لو مثلا كلمت بعد اسبوع وقالت تعالي معقول اجلس اشتغل عندهم اسبوعين تحت رحمتهم ليه
هذا ظلم والله اول مره اسمع فيه.

تكفون اللي سبق ودرسة توضح لي اذا الكل كذا عادي مو بحسن منهم واذا بس هذي المدرسه فاكيد مارح اسمح لهم يهنوننا

معقول ولا رد
مافيه وحده اشتغلت في اهليه

صح نفس الكلام انقال لاختي <3 شهور تجربه لكن حتى العقد مانتوقع