[align=center]
السلام عليكم
أنا مؤهلاتي عاليه عندي بكالوريوس
ودبلوم حاسب الي
وعشر دورات أدارية غيرها
لقيت اعلان وظيفه في مركز تدريب ورحت قابلت المديرة وقالت لي على الشروط ووافقت لاني فعلا محتاجه الوظيفه ولاكن لم أوقع عقد معاها لانها قالت اسبوع تحت التدريب وبعدها نوقع العقد
الدوام يوميا من الساعه 4 عصر ألى الساعه 11 ليلا يوميا حتى الخميس والجمعة
والراتب 1500 ريال وكمان راح تخصم منها 150 ريال عشان شركاتها وماني عارفه ليش كمان
انا جربت اسبوع لاكن تعبت من ضغط العمل تعبت
والمسافه بعيد عن بيتنا مايقارب 20 كليو متر
ايش رايكم اوقع العقد او اتركها
[/align]

ينقل الى القسم المناسب

نصيحة اخويه لا توقعين معهم

احسبي المواصلات وشوفي ضغط العمل

والراتب متدني

ابحثي عن غيرها افضل لك

__________________
ومن يعمل من الصالحات وهو مؤمن فلا يخاف ظلما ولا هضما

مثل ما قال فضل لا توقعين معهم لانهم راح يمصوا دمك ويرموا عليك الفتات, قولي لهم تبغون بـ 8000 ريال وراح افكر بالموضوع دام مافيها راحات اسبوعية ( شكلها راح تأتش عليك إذا قلتي لها هذا الكلام ) .

يعني اذا جيتي بتوقعين العقد ب 1500

سلامات وش يحسون فيه

لا توقعين ولا شي

اللحين العمال حقين الشاهي يستلمون اكثر من الراتب هذا

وانتي معك موهلات ب 1500 لا ترضين شوفي لك عمل ثاني

ولا تقبلين باقل من 3000 حتى لو ما تلقين

المواصلات بلحالها تكفيك

وش حقه 1500

1500 ؟ ؟ والله لو انك جالسه في بدون شغل عندهم


ماتسوى والله حتى الاجازه مافيه .انا اشوف الحد الادنى ٣٠٠٠

الشركه هذي جداً استغلاليه كرف ومسؤوليه وبالنهايه الف وخمسميه !!

مثل ما قال واحد من الاخوان اقل من 3000 لا تقبلي .. واذا دورتي راح تلاقين وظايف كثير.

الله يرزقك بوظيفه احسن منها وتكون على حسب شهاداتك والراتب اللي تستاهليه.

اختي الغاليه .. قولي لهم ابي الراتب يكون مناسب لدوامي والكرف اللي اكرفه والمهام اللي استلمها .. اذ قالت لك كم ودك فيه؟ قوليلها فوق الـ4000 ريال .. واذ رفضت .. ارررمي اوراق العقد بوجهها ومنتي خسرانه شي .. اذ انهم محتاجينك بيعطونك هالمبلغ .. وحرام تتعبين كل هالتعب وعشان 800 ريال تصفى لك نهايه الشهر .. والله يرزق كل عاطل وعاطله

لا والله ارفضي راح تتعبي واخر الشهر ماراح تسفيدي شي بعضهم استغلاليات حسبي الله ونعم الوكيل الله يرزقكك بالوظيفه المناسبه يارب