السلام عليكم ورحمة الله وبركاته ..

كيفكم خواتي واخواني .. الله يحفظكم انا وصلتني رساله ع الايميل إستدعاء للمقابله الشخصيه في بنك الراجحي بالرياض.. واختكم نوف من جده : (

خايفه اروح واضرب مشوار ع الفاضي .. هذي حاجه ..
والحاجه الثانيه بودي لو احد يساعدني ويقولي وش الاسئله الي يوجهونها للمتقدمين ع الراجحي وبأيش تنصحوني الي بيساعدني ويتذكر الاسأله يقولي كمان اجابته من باب الاطلاع لأني في حياتي ما عملت مقابله شخصيه .. وهل فيه شي غير المقابله يعني فيه اختبار مثلا وفيه اسئله انجليزيه ..؟؟

انا بنزل من جده على طول للعقارية الثالثه بالفرع الي طلبو مني اراجعهم فيه .. وماشيه بنفس اليوم لجده .. لأني ما اقدر اجلس هناك .. هل ينفع هالشي ولا لازم اجلس فتره وعندهم اجراءات ثانيه غير المقابله ..؟؟



تكفووون افيدوني والي بيفيدني والله لدعي له بصلاواتي سسواء كانت من بنات جنسي او غيره
انا بنتظار ردودكم ..

الي اقدر افيدك به المقابله دايمه تكون لختبار طلاقتك في التحدث ,, خليك واثقه وعرفي بنفسك وبيسآلونك اسئله عامه وممكن سؤال عن تخصصك .. اهم شي تتكلمين بثقه بالتوفيق

[align=center][/align]اختي اذا دخلتي عليهم اهم الهدوو والشخصية والباقي أسأله عاديه بعد بتعرفين ااااذا انقبلتي ولا لالا ا ذا اعطوك ورقة المستشفى امورك في السليم
وادعي لنا بالتوفيق ا

مقابله عاديه اختي اهم شي ان تكوني واثقه من نفسك مقابله جداجداجدا عاديه زي تحدثي عن نفسك(عد انتي تتحدثي عن نفسك اسمك وتخصصك وكم سنه درستي ........الى اخر الكلام . اما بالنسبه انجليزي ما يسالونك عنه الا ااذا كان تخصصك انجليزي ولو تخصصك انجليزي ما راح يكلفون عليك وصلت المعلومه ... بالنسبه اذا على انك تجلس او تروح انت تحددي بعد ما تروحي لهم اذا اعطوك اوراق المستشفى فلازم تنتظرين وماراح يطول المستشفى يوم واحد بس حتى تكملي اوراقك اما اذا قالو لك روحي وراح نتصل عليك خلاص روحي جده وانتظري منهم اتصال..... بالتووفيق ولا تنسي من دعائك لنا ........موفقه اختي

ويا اختي نوف في نفس القسم في موضع اسمه (تجمع الصبايا المتقدمات للبنوك) واكيد راح تلقى كل شي هناك لان اغلب الحديث نفس موضغك .... واحنا ان شالله ما نقصر معك بس هناك بنات راح يفدونك كثير اووك بالتوفيق

انا سويت المقابله في الرياض في العقاريه وتوظفت ولي سنه عندهم

اولا موضوع ضرب المشوار هذي ارزاق والواحد يسعى والرزق عند ربي

شوفي قطاع البنوك يهتم بمضهر الشخص ولباقته وشكله زي مايهتم بمؤهلاته بالضبط

خليكي كاشخه لاكن (باحترام ) ... الباقه في اللسان واختاري المفردات الحلوه واللبقه
اضهري جديه ورغبه في الانظمام للبنك لانه بنك محترم والكل يرغب في الانظمام له لانه فيه تطوير واكتساب مهارات وفيه امان وظيفي على قدر عالي .
ادخلي موقع الراجحي وخذي معلومات علشان تفيدك وايش الفروع الي برا السعوديه ومتى تم تاسيس البنك علشان تبينين لهم انك مهتمه بالانظمام للبنك .. اهم شى الثقه والجرءه في الكلام والابتسامه .

بالنسبه للاختبارات هذا زمان كان فيه اختبارات والان الغوها لاكن انا بقولك فكره عن الاسئله احتمال تكون موجوده الان ....

طبعا عندهم يمكن 30 الا 40 سؤال المطلوب منك مو تجاوبين لا المطلوب رده فعلك اول ماتقرين السؤال لان الاسئله بتجيكي نفسها لاكن بصيغه تانيه ... فانتي علشان تعدين الاختبار اختاري رده فعلك اول ماتقرين السؤال لان الاسئله عباراه عن احداث والمطلوب رده الفعل ونفس السؤال بيجكي بطريقه تانيه ويبغون رده الفعل علشان يتاكدون من مصداقيه المتقدم للوظيفه ..فا المطلوب رده فعلك او ماتقرين السؤال فقط ... ترا شى سهل للي بيقول رده فعله الي يسوي ذكي وبيجاوب ويختار بين الاجوبه بيتورط ... ترا شى سهل للي بيكتب رده فعله

انجليزي مافيه طبعا

طبعا توقعي الاسئله التاليه

ايش معنى قدمتي على الراجحي

قولي لانه صرح مالي عظيم وله تاريخ وتاسس في عام كذا وكذا وله فروع برا السعوديه في كذا وكذا ... وهذي تلقينها في الموقع

بيقولون ليش ماتوظفتي الا الان

لاتقولين ظروف لان بياخذون انطباع عنك انو يمكن يجيكي ضروف وتغيبين

قولي قدمت لاكن ربي ماوفق مجالاات النسائيه محدوده والله يوفقني واتوظف عندكم

ايش راح تقدمي للراجحي

قولي انا املك العلم والشهاده بصقل كل الي تعلمته في الراجحي وبستفيد كثير لانه يوم واحد براجحي يعني لي الكثير .. ومن البكش هذا ولازم ترفعي باي شركه تجين تسوين فيها مقابله

واهم شى عدم الارتباك ... حطي في بالك قبل كل شى لو ربي كتب ليكي رزق بتتوظفين لو ربيماكتب ماراح تتوظفين سوي الي عليكي وخليكي واثقه والله يوفقك

اسف طولت لاكن بكره يوم وطني مافيه دوام وعلشان كثرت المواضيع عن البنوك والمقابلات وحبيت افيدك وافيد اي شى يحب ياخذ فكره .. وان شاء الله يجي غيري ويفيد اكثير

تحياتي

يا عسى ربي يوفقكم دنيا واخره وينولكم مرادكم امين يا رب العالمين ..
اشكر كل واحد فيكم رد علي وريحني لأني كنت مرتبكه متردده ..

لا عدمتكم جميعا

حاسب الي الله يعطيك العافيه لقيت الموضوووع وربي فرحت فيه لأنه فيه بنات كثير مثل وضعي
خالي ولد عتيبه يعلم الله اني استفدت منك كثير وبالعكس اذا عندك زياده لا تبخل علي
ما طرحت الموضوووع الا ابي الفايده ولكم الاجر

الف شكر وربي يجزاك اعالي الجنان



@@@

عسى ربي يرزقكم جميعا بالوظيفه الطيبه وراتب اروع وبيت اجمل وزوجه صالحه راقيه يا رب : )


ما زلت بنتظار المزيد للأستفاده من تجاربهم

كمان بسألكم عن حاجه ..

الحين هوما طالبين مني اجيب معاي كم شغله مثل الشهاده وحسن السيره والسلوك وكم شغله يعني
وانا عندي دورااات هل اجيبها لهم ولا اكتفي بالي طلبوه مني ..؟؟

واحطها بملف علاق اخصر ولا شفاف ..؟؟

واخذ معاي الاصول ولا بس صور مصدقه ..؟؟

يا ليت تجاوبوني علي ردي هذا والي فوقه يا بنات انا بنتظاركم

ختي نوف هم في البدايه ماراح يطلبون الا طبق الاصل فقط لا غير(يعني صوره طبق الاصل).... الا في حاله قبولك نهائيا تجيب الاصل يطابقون وخلاص بس ما دام انك رايح من جده الى الرياض خذها معك احتياط عشان اخاف يطلبونها وتتوورط فهمت يالغالي الا هي الاصل ما يطلبونها الا في النهايه ويرجعونها لك ....... وصلت المعلومه يالغاليه



للأمانة منقول: https://www.btalah.com/showthread.*****..#ixzz27I0eclH5

يا عسى عمرك طويل لفعل الخير والطاعات
الله لا يحرمك ريح الجنه يارب
مشكوووور وما قصرت اخوي حاسب والله يكتبها لك بميزان حسناتك