سلام انا مو عارفه شي عن جداره صراحه سجلت فيه وبس وحولات اقراء عنه في المنتدى مافهمت
عندي كذا سؤال
1/وش معنا رقم الطلب
2/ووهل احدث دايم وكيف طريقه التحديث
3/وش المفاضله هذي مو فاهمه عنها شي الا نقطتين كل سنه ع كذا بوصل 30 سنه ولاتعينت
4/ابي احد يحسب لي نسبتي 84/81
تخرجت 1433/7/12

اللي اعرفه ومتااكده منه المفاضله على حسب النقاط يعني ع اقدميه التخرج وع المعدل راح يحسبوها كل سنه بنقطتين
الباقي صراحه ماافهم كثير يفييدونك البنات ان شالله

والله يرزق الجميع الوظايف المريحه

وعليكم السلام
بالنسبة لرقم الطلب مافيه رقم طلب في نظام جدارة
وبالنسبة للتحديث فقبل أي مفاضلة تطلب الوزارة من الراغبات
أو الراغبين دخول المفاضلة تحديث بياناتهم يعني لما تعلن الوزارة
عن هالشيء ندخل حسابنا في جدارة ونختار أيقونة تعديل البيانات
ونعبي بياناتنا من جديد يعني نختار كل شيء من جديد لحد مايطلع الطلب
مكتمل ويطلع ملخص الطلب بعدها يكون الطلب جاهز للمفاضلة
والمفاضلة يا اختي هي عبارة عن طريقة الترشيح كل متقدمة في جدارة لها مجموع
معين من النقاط وهالنقاط على أساس المعدل والأقدمية والأعلى نقاط هي اللي راح
تترشح للوظيفة وبس هذا نظام جدارة .

عن أرقم الطلب والله ولا ادري عنه شي حالي حالك

ومن ناحيه المفاضله الي اعرفه علا المعدل والشي الثاني الأقدميه يعني كل سنه من تخرجك يحسبون لك نقطتين علا نقاطك من معدلك واقدميتك

انشاء الله فهمتي علا لغتي هع

وثالثا في موضوع مثبت يحسب نقاlطك
اللله يوفقنا

يعني على كلامكم يبلي 10 سنين على ماتوظف
طيب انا دخلت على وقت المكرمه يعني لي ميزه خاصه ولا عادي

شلون ميزة مافي مميزات الا معدلك وسنوات تخرجك هي الحكم في ترشيحك
على الوظائف الإدارية أو التعليمية.

طيب يااخت حلمي التدريس جزاك الله كل خير
يعني التقديم بس في جداره مافيه اي مكان ثاني غيره وكل ماعلينا اننا نحدث بياناتنا ونكثر الرغبات بس
طيب التربوي انا ملاحظه انه اغلب اللي ينقبلون تربوي واللي مامعاهم تربوي الله يخلف عليهم صح ولا لا؟؟؟ كل صاحباتي اللي معاهم تربوي واعرفهم توظفوا ماشاء الله تبارك الله الله يوفقهم ويرزقنا
تنصحيني آخذ التربوي ولا اتعب نفسي على الفاضي
وغريب اشوف ناس دوبهم متخرجين وانقبلوا وبنات متخرجات من سنين وسنين ماينقبلوا ليش طيب مع انهم اقدم ومعدلاتهم كويسه او متوسطه يعني مو عدم وش السر ؟؟

فيه وظايف نقدم عليها عن طريق جدارة ووظائف مثل وظائف الجامعات عن طريق الجامعة نفسها
طبعا التربوي له الأفضلية في الوظائف التعليمية إذا تخصصك تعليمي يُفضل تدرسين الدبلوم التربوي
عشان تزيد فرصتك بإذن الله لأن الغالب في الوظائف التعليمية ترشيح التربويات وبالنسبة للبنات اللي مالهم
الا كم سنة توظفوا والعكس توظفوا هذا يعتمد على التخصص وعلى الرغبات بعد
يعني عندك لغة عربية فيه خريجات جامعيات تربويات موجهات لمتوسط وثانوي وجامعيات موجهات للابتدائي
كلن ع حسب احتياجه يتوظف وممكن خريجة نقاطها٧٠ مقدمة ع كل المناطق ترشحت ووحدة نفس تخصصها ودرجتها
العلمية نقاطها٨٠ ماترشحت لانها ماحطت الا رغبة وحدة وهكذا .

أخيرا عرفت الاجابه الله يرزقك الوظيفه اللي تتمنيها ويوفقك فيها يااااارب
يعني اللي مامعهم تربوي مايتوظفوا تعليمي ابدا بس اداري فقط ؟؟