السلام عليكم ورحمة الله وبركاته
كل التخصصات سوو تجمع لهم ماعدا التغذية شوي بناته عجازات
يمكن عشان كذا قسمنا مهمش حتى في التوظيف له بالقطاره
مع ان قد سوينا مطابقة بتاريخ 22/4/1432بس في الأخير قالو لنا مافي أرقام شاغرة حسبي الله عليهم نادونا وفرحنا بالوظيفة وفي الأخير طلعنا بلوشي
أنا خريجة لي 7سنوات عطاله بس في مدارس اهليه مع اني طلعت شهادة تصنيف من الهيئة كاخصائية بس
اغلب المستشفيات يشترطون الانجليزية تكون بيرفكت
أتمنى من بنات التغذية الدخول وتقول اذا جاه ترشيح او لا وكم لها متخرجة

وعليكم السلام ورحمة الله وبركاته


أنا خريجة تغذية عام 1431 يعني اعتبر حديثه جنبكم للأسف الخريجات متكدسات

ومحتاجه كثير للوظيفه الحكوميه الله يرزقنا جميعا ونتعين

أدخلي معهد لغة وفي مواقع تعليميه بالنت استفيدي منها وان شاءالله تتوظقي أخصائيه

ممكن أعرف انت بأي مدينه أنا من جدهـ

ولقيتي مستشفيات طالبه تخصصنا ولا لا..؟؟

أنا من الرياض
توقعت بلاقي تفاعل من البنات
بنات تركوا الكسل وكل وحدة تكتب لنا

فيه كثير مستشفيات تطلب بس ياما شرط انجليزي
او يكون الراتب حق فنيه تغذيه مايرضو يدفعون أكثر

خريجة تغذية ولكن أنتي ماتوظفتي
فيه مستشفى الحرس فيه وظائف
بس امتحانهم مره صعب

هلا والله بزميلاتي
انا خريجة تغذية سنة 1430
من كلية الزراعة قدمت على جدارة وماطلع اسمي
جربت اشتغلت في مستشفى بوظيفة فنية تغذية
الشغل مو محتاج ذيك اللغة القوية يعني شي يمشي الحال

المشكلة بالوظيفة نفسها عشان كذا ماصرت متحمسه للشغل مثل اول

احمدي ربك
انا تخصصي اقتصاد منزلي تربوي

تصدقين كنت ناويه اكمل ماستر نفس تخصصك بس دامك تقولين مافيه وظايف وشو له :D

طيب رسيلوه انت مقدمه على الرياض بس؟؟
يمكن عشان كذا ماجاك ترشيح
لان اصلا مستشفيات الرياض معتمدة على التشغيل الذاتي

شقيه
مستقبل الاقتصاد المنزلي اوضح وافضل من علوم الاغذية
على الاقل تلقين لو مدرسة اهلية تشتغلين فيها

والله كله بالهوا سوا ,
المفروض هالتخصص يقفلونه ,
لأن ماله داعي نهائيا