السلام عليكم ورحمة الله وبركاته


عساكم طيبين كلكم


شباب انا تم قبولي في الحرس الملكي ولله الحمد بس

واجهتني مشكلة وهي

طباعة النموذج كل ماحاول اسوي متابعة الطلب او احاول اطبع يقول


الخدمة غير متوفرة حاليا


وموعدي يوم الأحد 14 / 11 / 1433 هـ في الرياض تكفون اخدموني شوفو لي الحل

اخوي غير المتصفح وحاول مره مرتين وثلاث مرات حاول لا ترووح عليك وانا اخوك

غيرت المتصفح والاجهزة وكل شيء نفس المشكلة

بس قالولي بعض الشباب روح لهم بدون طباعة النموذج

بما انهم أرسلو للجوال حقك رسالة خلاص جهز الشهايد والصور و الهوية

ورح لهم بالملف ومحتار ياعرب الي عنده خلفية يساعدنا

اخوي راكان

الاستماره (نموذج التسجيل) هم يطبعونه لك في الحرس الملكي ماهو انت

انت كل اللي عليك تسويه الان

تأخذ

1- صورة الهويه الوطنيه
2- صورة كرت العايله
3- صورة المؤهل العلمي اللي حاصل عليه

4- حلاقة الشعر رقم 4 او 3 <~ اهم شي والله , يطردونك لو ما حلقت وفيه ناس قالوا لهم حلقوا و ارجعوا

لا تحرج نفسك بأنك ما تحلق


الف مبروك القبول و الله يبلغك القبول النهائي ان شاء الله

انا مقبول في الحرس الملكي و عارف نظامهم سو اللي قلت لك عليه , حتى لو ما تجيب ملف علاقي لانهم ما يبونه حابين يخففون الخساير و بلشة الملف العلاقي و الازعاج اللي يجي منه



موفق خير يالذيب , وان شفت الرقيب اول / الحسيني <~ سلم لي عليه هو اللي راح يطبع استمارتك و يشوفك هل انت محلق ولا لا , قوله خالد العتيبي يسلم عليك

الله يسعدك يا ابو بتال ويوفقك دنيا وآخره


وعسا الله يبارك بحياتك انت ومن يعز عليك


ياخي ريحتني دعواتكم ياناس .

اللهم امين ولك بالمثل يالغالي


الله يوفقك و يسهل امورك يا رب و يبلغك القبول النهائي <3

اخوي انا موعدي يوم السبت وطبعا خلصت اوراقي وكل شي والنموذج ماطلبوه

ادخل على الموقع حقهم وشوف ماراح تلقى بين الشروط انك تطبع نموذج

ااخووي الم انا موعدي معاك السبت تخاوويني ؟

اخواني اشكررركم جزيل الشكر وماقصرتو لبى قلوبكم


ابو بتال اخر استفسار



انا طولي 180 وحاب اسال عن الوزن ترا وزني 60 المفروض 65


مادري يعدونها ولا ينشبون فيها ويشوتوني ؟؟؟