09-10-2012, 06:30 PM
|
|
Guest
|
|
تاريخ التسجيل: Jul 2011
المشاركات: 218
معدل تقييم المستوى: 0
|
|
نصيحه لوجه الله يابنات انتبهوا من الوظائف المختلطه منتهى قلة الحياء بنفسي رحت وشفت بعيني والله يابنات ماتوقعت أشوف الشيء هذا بالرياض طبعاً إعلان وظائف نسائية كلمتهم قالو لامافيه اختلاط رحت لهم دخلت لقيت عمال يشتغلون والبنات لابسات عبايات كتف مفتوحه وبناطيل ولاتغطو عن العمال تقول يمشون قدام اخوانهم أنا قلت أكيد إنهم ماهم سعوديات قلت وينها فيه المقابلة قالو انتظري شوي المديرة عندها اجتماع واجلس وضحك وسوالف والعمال يطالعون فيهم ويوم طلعت المديرة ركضت وحدة وسكرت الباب علشان ماأشوف غرفة الإجتماع والمديره سوريه قسم بالله يابنات طلعت تضحك ووجها أحمر راحو البات يركضون لها هاه فلانه وش صار وش قال ويضحكون شكيت في الوضع وطلع شكي في محله المهم دخلت المديره لمكتبها وبعد شوي قالو ادخلي وادخل وتسوي مقابلة قالت العمل إختلاط قلت أنا مكلمتكم تقولون نسائي مستقل قالت خلاص انتظري شوي ودخلت وحده منهم في الغرفة اللي طلعت منها المديره حقت الإجتماع وطلعت قالت انتي فلانه قلت إيه قالت المديرة تبيك قلت ليش توني طالعة من عندها قالت ادخلي وتعرفين المصيبة العظمى يوم دخلت وإلا ذاك الرجال جالس على طاولة الإجتماعات سعودي ولاعليه شماغ وفاتح أزرار ثوبه والدخان بجنبه يوم شفته صابني الرعب قال ماشاء الله معك بكالوريوس معك بطاقة احوال خفت قلت علشاني متغطية مايشوف مني شي يبي يشوف شكلي بالبطاقه قلت ماعندي قال طيب كيف أعرف إنك فلانه قلت السجل المدني قدامك طابق الإسم بالإسم اللي في الشهاده قال شوفي فلانه كيف تأكدت إنها هي صاحبة البطاقة والحقيرة كاشفة وقاعده تتبسم ارتفع ضغطي وعطيته كلمتين جامده وطلعت وجت تركض وراي قلت هذا مديركم قالت إيه قلت ليش كذبتو علي ومديركم مايدري وين ربي حاشره وقليل حيا كيف يقابل الناس بالهالمنظر وين اوراقي وتغيرت أشكال الموظفات وطلعت من عندهم حسبي الله على كل من يستغل حاجة البنات للوظايف ألا هل بلغت اللهم فاشهد
|
العرض العادي
