دعـوآتي لـك بـ التوفيـق ..

افضل طريقه للدعايه
1- الجوده في العمل , الزبون هو من سوف يروج لورشتك مهم جدا الشغل النظيف .
2- الدقه في المواعيد حتى لو تدفع اوفر تايم للعامل , تذكر ان الشخص متعثر بدون سياره وينتظرها بفارغ الصبر.
3-الاهتمام بنظافه سياره الزبون من الدتخل والخارج من الغبار وماشابه.
4-حاول تاخذ سيارات من الورش المجاوره المتعثره في انجاز شغلها ولو تاخذ الشغل كتعاون في اتمام العمل بنجاح وهذا يعتمد على نظافة شغلك.
5- مكاتب تاجير السيارات مر عليهم واعرض شغلك وانصحك تتعامل معاهم في المكانيكا فقط او السمكره البسيطه.
6- لا تستحي من تقديم خدماتك للورش المزدحمه كورشه متعاونه .
7- مركز تقديرات المرور مقر لصيد العملاء الجدد.
8-المعارض يوجد بها عملاء يحتاجون رش صدامات او صيانه خفيفه .
9-اذا حاولت تشتغل في سيارات تشتريها وتصلحها ابعد قد ماتقدر عن الصدمه في الوجه اوفي الابواب وركز على الصدمه الخلفيه .
10- المواد المستخدمه في الشغل بويه ,اساس,عده, مسدس بويه ,لاتاخذ الا الاصلي
11-اجرد العده على العمال كل يوم او ضع للعامل صندوق بقفل وسلمه العده بعد جردها ولا تنسى اذا احد استعار منك قطعه من العده من الورش المجاوره لا ترفض تعطيهم ولكن تذكرها وخل صدرك وسيع وبالك طويل
12- لاتكثر عمال وتذكر ان العمال اصناف منهم معلم ومنهم عامل بمعنى الرواتب تختلف . يجب الالتزام بالرواتب في اوقاتها . الزي الموحد اذا امكن.
واخيراً لاتنسى الشغل النظيف هو الدعايه الاهم وليس السطحات .
لا تفوت فرض واكثر من الاستغفار
الله يوفقك.

العماله الفلبينيه ركز عليه

الله يزرقك المال الحلال ويبارك لك في محلك
اخوي بسالك هل صحيح من اراد فتح محل لسمكره او محل كهربائي للسيارات لازم تكون معاه شهادة لنفس التخصص

بالتوفيق يا أخ فراس وياليت تنورنا بلمميزات والعقبات تحياتي لك