08-10-2012, 04:21 AM
|
عضو جديد
|
|
تاريخ التسجيل: Aug 2012
المشاركات: 19
معدل تقييم المستوى: 24
|
|
هلا أخوي أنا توني توظفت بشركة اركاس الحمدلله وسألت عنها قبل ما اتوظف..ميزتها الخبرة القوية والتدريب المستمر عندهم..ورواتبها من 10 وانت طالع على حسب التخصصات.. شركة تهتم بالمسح والتنقيب عن النفط سواء في البحر او البر.. نظام دوامهم 6 اسابيع عمل و6 اسابيع راحة مع أهلك في جدة.. ويوفرون لك تذاكر على حسابهم بعد ما تتوظفت عندهم من جدة الى الشرقية ومن الشرقية الى جدة..عموما طريقة المقابلة الشخصية عندهم يسوون معك 3 مقابلات شخصية في يوم واحد .. أول مقابلة شخصية مع رئيسة وحدة التدريب والتطوير والمقابلة بالانجلش وبالعربي مرة كذا ومرة كذا بتسألك عن طموحاتك وتكلم عن نفسك وكيف تشوف نفسك بعد خمس سنوات وكذا تشوف انت انسان قابل للتطوير والتعليم والا لا.. تخرج من عندها تختبر اختبار لغة انجليزية فيه تعبير عن نفسك وطموحاتك وهوايتك وتخصصك.. والتعبير الثاني عن مشروع تخرجك وفكرته وايش النتائج الي وصلت لها .. عموما لا تخاف اذا انجليزتك مو تمام بعض الاحيان يمشون ما تدري التوفيق من ربك.. وباقي الاختبار اسئلة واختيارات سهله.. وبعد ما تسلم الاختبار بيقولون لك حياك بشركتنا وانتظر شوي المقابلة الشخصية الثانية.. اذا قالوا لك يستر عليك روح وبنتصل عليك معناه صرفوك ما يبونك.. عموما لو قالوا لك انتظرنا للمقابلة الشخصية الثانية انتظر والمقابلة راح تكون مع المدير العام لشركة اركاس سعودي ولكنه انسان فاهم جدا.. راح يسألك في تخصصك كثير خليك فاهم ومركز معاه وجاوبه بثقة .. مدير الشركة يعتمد معاك على التشكيك في معلوماتك خليك واثق من معلومتك اذا انت متأكد منها..اذا مو عارف المعلومة قله مو عارف او متذكر بس لا تصرف له معلومة من رأسك لانه بيكون عارف.. اذا انبسط منك المدير وشافك تمام بيدخلونك المقابلة الشخصية الثالثة.. اذا كنت مو تمام بيقولون لك روح وبنتصل عليك نهاية الاسبوع تصريف.. اذا دخلت المقابلة الشخصية الثالثة بتدخل على مدير المشاريع غالبا يكون امريكي او فرنسي.. بيجلس يشرح لك عن عملك وكيف بيكون وهل انت مستعد لتحمل الضغط والا لا وهل الشغل مناسب لك والا لا.. طبعا خذ راحتك في الكلام معاه يعني لا تتوتر سولف معه كانك تسولف مع واحد من اصحابك.. حول تبين له انك جدي .. واسئله متى بتبدأ شغل بين له انك متحمس للشغل.. طبعا لا تفكر تسأل عن الراتب الا في المقابلة الشخصية الثالثة.. لا تسأل ابدا عن الراتب في المقابلة الشخصية الاولى او الثانية.. والله يوفقك اخوي ميزة الشركة انها ممتازة لحديثي التخرج تتأسس مضبوط وتتعلم زين وفيه احتمالية للموظفين الواعدين تطلع فرنسا 9 شهور دورات على حساب الشركة لانها شركة فرنسية الاصل ولكن شركة طاقة شاريه نص اسهمها.. طبعا زي ماقلت لك الثلاث مقابلات بيوم واحد تقريبا من 8 الصباح الين 3 العصر لانه بيكون معك شباب عندهم مقابلة زيك.. اهم شيء نام كويس وخليك مستعد والله يوفقك اخوي وبشرني وش صار عليك بعد ما تخلص مقابلة شخصية
التعديل الأخير تم بواسطة جدة سيتي ; 08-10-2012 الساعة 04:23 AM
|
العرض العادي
