السلام عليكم ورحمة الله وبركاته

انا اخوكم محمد وهذي اول مشاركه لي بالمنتدى

وحبيت استشيركم بموضوع

انا اعيش بالطائف ولدي 3 اخوات وامي وانا الوحيد من الاولاد >> مومهم

الوالد الله يرحمه ماترك لنا الا 136 الف من 4 اشهر والحين صارت106 الف و 30 راحت مابين مصاريف وايجار شقه

وفكرت فيها يعني بعد سنتين راح يصرف علينا عمي والا خالي؟؟ >>> مع العلم اني طالب 3 ثانوي

بالصدفه دخلت ذا الموقع وعجبني حماس الشباب وقلت خلني الحق عمري واستشيركم

بالعربي ابغى تجاره حلال تدخلنا كل شهر مبلغ كويس وتكفون ما ابغاها تاثر على دراستي

عن أبي هريرة رضي الله عنه ، عن رسول الله صلى الله عليه وسلم ، قال : من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة .... الخ

اولا الله يرحم والدك
ثانيا قسم بالله انك رجال يوم تفكر بمستقبل اهلك
ثالثا : بما ان اللي عندك تحويشة العمر فأحسن شيء سوق الخضار اشتغل فيه بس مو بالمبلغ كامل اول شيء جرب ب الف ريال واذا قررت لا تعدي ١٠٠٠٠الاف
استأجر لك دباب ووزع عالمحلات وفي الويك اند حمل الدباب ورح لبني مالك ولا ميسان

في النهاية لا تدخل حتى تعرف اسرار السوق

في البداية جرب ب٣٠٠ ريال اشتر من الحراج وبع على طول بمكسب ٣الى ٥ ريال

ذا كله يأخذ منك ساعة بعد صلاة الفجر

والله وانا اخوك نصيحه لوجه الله
استشير استشير استشير استشير قبل تدخل اي مشروع
عشان ما تروح تحويشت العمر وماتستفيد شي
والشي الثاني لا تستعجل الدنيا مو طايره حافظ على المبلغ يعني لا تسحب منه شي
وفكر لك بمشروع كويس
لكن الي اقوله لك لا تتحمس وتدخل اي مشروع قبل تحسبها صح
وانتبه من النصابين والي ما يخافون الله
واذا فتحت مشروع امسكه بنفسك يعني حتى لو تجيب عامل خليك معه
وتوكل على الله وادع ه وبأذن الله بيسر لك امورك

بيض الله وجيهكم والله يسعدكم


فكرة الخضارحلوه لكن انا ما افهم فيها وغير كذا يبيله فضاوه وانتم عارفين ان اكثر شغلها صبح وانا طالب

فكرت بفتح محل اكسسوارات وشغلات الحريم ذي يقلون تكسب لكن ما ادري كم تكلف

اسمك لعبة لماذا لا تفكر بمحل العاب بلاستيشن مادام انك شباب في المرحلة الثانوية يمكن تفهم فيها بس يبغالك موقع ممتاز

هذا مشروعي القادم باذن الله ان شاء الله تعالى

حسب مافهمت إنكم ساكنيين إيجار صح
ياخووي كله يهووون مصاريف ممكن تدبر
لكن البيت ملك أأمان لك ولعائلتك بعد الله
قبل تجاره فكروا إنكم تشترون بيت ولو شقه تمليك
أمنووا نفسكم في بيت نظيف ملك لكم
وبعدين تهوون هالمصاريف
والله يرحم ابوك يارب..ويعيينكم ع هالحياه

اول شي الله يوفقك وصادق شغلات الحريم فيهاربح افتح محل اكسسوارت وجزم وشنط وفيه عضو بالمنتدى اسمه الرابحون يستورد من الصين كلمه واتوقع بيفيدك