السلام عليكم اخواني الاعزاء...
اخوكم متخرج من الثانويه ولي 3 سنوت متخرج بنسبه 96 علمي وعندي شهادة لغة انجليزيه لمدة شهرين والطول 167 حبيت اسال وشو القطاع العسكري الي بيقبلني وانا مخطط على الحرس الوطني بس مادري يقبلون والا لا لاني سمعت انو لازم واسطه...الله يسعدكم ردوا النفسيه زفت...
ملاحظة:لا احد يقول كمل دراسة لاني كنت ادرس طب وانسحبت ورجعت سجلت تمريض وانسحبت طبعا لظروف ماديه وعايليه..والحين ابي اتوظف واكمل انتساب لان العمر يمشي واي شهادة يمر عليها خمس سنوات ما تقدر تتوظف فيها وظيفة حكوميه..

الجيش يقبلك بس خذلك شهادة حاسب وخش كاتب في الجيش برتبة جندي أول
بالتوفيق ياصاحبي

وعليكم السلام ورحمة الله وبركاته

اولا الله يوفقك ويرزقك بالوظيفه الي لك فيه خير

بخصوص الطول اتوقع القوات الجوي او الدفاع الجوي يطلبو 165 وفوق وانا اعرف واحد مثل طولك وانقبل

لاكن هي في الاخير قسمه ونصيب وانت قدم لاتهتم في الطول ماتدري يمكن تنقبل في اقرب تقديم وانت ماشاء الله نسبتك حلوه وهي في الاخير توفيك من ربك

شوف انا طولي 176 بس مافي وزن وهو الي جالس لي 5 سنوات عاطل مع اني حاولت ازيده لاكن كلها رزق من ربك

الله يوفقك وتتوظف مدني وترتاح من العسكريه

والف شكر لجميع من رد علي والله يوفقكم واتمنى افادة اكثر من باقي الاخوة بخصوص هل بيقبلوني بالحرس الوطني

شهآده الانجليزي مآ رآح تستفآد منهآ لآنهآ شهرين
آلعسكريه طآلبه 6 شهور
وآنصحك بالقآعآت آللي تبع وزآره آلدآخليه لأن رواتبها عآليهه
ونسبتك ماشاء الله حلوه ويقبلونك على طول
يعني لا تعلق امرك بالحرس الوطني لان في قطاعات أحسن منه
والحرس الوطني تعقيد شوي اما القطاعات الثانيه تبع وزاره الداخليه مافي تعقيد

وآلحرس آلوطني يقبلونك ان شاء الله

وعليكم السلام ورحمة الله وبركاته

ماشا ء الله تبارك الله على نسبتك

سؤال انت قدمت على الحرس الوطني من قبل ؟!
اذا ما قدمت انا اقولك نسبتك تأهلك انك تدخل الحرس الوطني اقرب تقديم قدم وان شاء الله انك مقبول
اما بخصوص القطاعات اللي تقبلك على حسب مثل القوات المسلحة فيه تخصصات تطلب طول وفي تخصصات لا
واذا تبي الجيش انصحك بتخصص استخبارات الرواتب طيبة او سائق ( رخصة عمومي )

وبالتوفيق ان شاء الله

ملاحظه ( حاول تتأكد من طولك على الميزان التقليدي )