االسلام عليكم ورحمة الله وبركاته,,,,

جاني اتصال قبل قليل من الشركة السعودية للاستقدام ... عندي مقابلة شخصية بكرا

ياليت الي يقدر يفيدني بمعلومات عن الشركة وتجارب معها


وادعو لي بالتوفيق .... الله يعطيني خيرها ويكفيني شرها

ويرزق الجميع بالوظائف الي تسر خاطرهم وتسد حاجتهم

موووفقين

وعليكم السلام

الشركة جديدة وتخصصها تجيب شغالات وسواويق

علمنا وش يصير معك بالمقابلة لانك أول شخص راح يعطينا فكرة عنها.

ابشر اخوي

يمكن في احد عنده خلفيه ....انتظر

الله يوفقك ويسعدك ومعروف اكيد عن سواقين وشغالات بس اهم شي اثبت نفس ب المقابله الشخصيه وتقدر تسئلهم بعد ماتخلص من المقابله وش مميزاتها وش يسون لك وش يعطونك كيف طبيعه عملك واتمني تفيدنا معك والله يوفقك ...

الله يوفقك

على حسب تخصصك او على طبيعه الوظيفه الي قدمت عليها وش هي ... واهم شي اللغه والله يوفقك إن شاء الله

زعليكم السلام ورحمة الله وبركاته :

تمنيت لو ذكرت شهادتك والوظيفة المتقدم لها كي افيدك اكثر لكن ان شاء الله :

الوقت الان ضيق ولا اريد ان ادخل بالتفاصيل :

هذه الاسئله تفيدك ولا تضرك بأذن الله :

اول حاجه توكل على الله وعلم رزقك لن ياخذه غيرك ومايصيبك الا ماكتبه الله لك فأن اجتزت المقابلة فهذا من فضل الله وذا لا في خيره لك ثق تماما ...

الاسئله الشائعه مايلي :

1- تكلم عن نفسسسسك ؟

لاتقول تعبير ممل قول اسمك الثلاثي وعمرك ومنطقتك وشهادتك وخبرتك ودوراتك ان وجدت وايضا من هوايتك انك تحب العمل على الكمبيوتر انتبه تقول تحب الافلام او تلعب شطرنج هذه ماتنفع صاحب العمل اوكيشن ..
2- وش اسباب تركك لوظيفتك السابقه وهذا يسأل ان ودت لديك خبره ..ا

كونها على كيفك... وكن صريح مثل تدني الرواتب او كنت تعمل على نظام مؤقت ونهو العقد من قبل الشركة او كنت تعمل بدون تامين طبي ولا حوافز وتم تسريح الموظفين ...

3- وش تعرف عن الشركة ؟

افتح الشيخ قوقل وكتب اسم الشركة وتعرف عليها متى انشات ووين وصلت وش ممجالها ويش الجوائز الي حصلت عليها وكم عدد موظفيها تكلم وكانك حاب تكون ضمن فريق العمل بحماس .

4- وش تعرف عن الوظيفة المتقدم لها ؟؟

ايضا اكتب بقوقل عن مهام الوظيفة المتقدم لها فهذا شي ممتاز تتقدم لشئء تعرف مهامه وواجباته ويعطي انطباع جدا جيد للجنه ..

5- ليش نختارك انت ؟

الاجابه كيف كما تشاء مثلا انك تحب العمل الجماعي او ابحث بقوقل ..

6- وش نقاط ضعفك او نقاط السلبيه لديك ؟

اذكر انك تحب ان تعرف تفاصيل العمل الي تقوم فيه من صغيره وكبيرة وهذه سلبيه بالنسبة لك ولكنها ايجابية لصاحب العمل وهذا مايبحث عنه

7- كم تتوقع الراتب ؟؟

قول لايقل عن 3000 ريال كما امر ابو متعب الله يطول بعمره او كما تراه انت لكن تقول مبالغ فلكيه ستيم صرف النظر عنك ..

.....................

كني هادي وذهنك صافي ولا تتوتر اللجنه احيان تريد استفزازك كيف تعرف هل لديك قوة تحمل الضغط وبرضو اللجنه ماتبي اجايات دقيقه لكن تبيك تتكلم وهل انت جرئ ام لا ..

طبعا ونت رايح اكشخ كشخه تلائم المكان والوظيفة المتقدم لها مثلا مقدم على وظيفة موظف استقبال وتلبس جينز يعني وش يحس فيه هالشخص اكيد فاهم علي ياغالي

بالاخير اللجنه حاب تشوفك هل لديك لغة المخاطبة والحوار ولغة الاتصال بالجشد كحركات اليد والشعور بالي تقولة وهذه محتاجه تمرين معه احد المقربين لك او ونت جالس بينك وبين نفسك ...



.................................................. ................
الله يوفقك ويرززقك فالي تحبه وترضاه وتكون من نصيبك ..

قولي وش صار معك ...

دعواتك لي طال عمرررررك بالتوفيق هذا الي اريده منك فقط

اعذرني على القصور

اخخخوي بيري الهواجر

الاسئلة ذي حطيتها لانك انقبلت وسئلوك هذي الاسئلة .. او من الشائعة والمعروفة لدى الجميع ..؟!

و ي ليت ي اخوي م الهذلي .. تعلمنا وش هو مؤهلك وقدمت على اي وظيفـة ..؟1

وهل ردولك عن طريق الاميل او تم الاتصصال بك ..؟!

وكل التوفيق لك والله يسهل امورك

جزاكم الله الف خير

ابشروا الحين انا رايح واذا جيت ان شاء الله راح اقلكم وش صار معي

السلام عليكم....

رحت لهم قبل الموعد بـ 10 دقايق

ودخلت ع الرسبشن وقلت له عندي مقابله عند الاستاذ فلان

قال ابشر استريح ... اتصل فيه مايرد واتصل واتصل ...ناظر فيني وقال اتوقع الموظفين يفطرون ...دقايق انتظر

قلت ماشاء الله >>> انا توهقت حتى فطور مافطرت ...ماعلينا

بعد الموعد بنص ساعه عبيت نموذج وقال لي الرسبشن تفضل

دخلت المكتب واسال عن اخصائي التوظيف وجيت لمكتبه

ودخلنا لغرفة الاجتماعات ... وبدأنا بالمقابله ..

قال لي ليه تركت عملك السابق ؟؟؟

وش استفدت من عملك السابق؟؟؟

وسألني عن هواياتي ... ومهاراتي .... ولغتي الانقلش ....

ماعلينا .... طبعا في كلمات تستفزك...لانه يبي يختبرني بس انا ارد بكل برود

المهم قال لي الوظيفة,,, خدمة عملاء (مبيعات)

وقال لي خلص انتظر اتصالنا ....

وبس....

كلمت واحد من اخوياي من عملي السابق طبعا هو اخصائي توظيف

قلت له عن الي صار معي .... قال الشركة حلوه جداااا والله يكتب لك التوفيق

واذا صار معي شي جديد راح افيدكم

ياليت الي عنده خبرة عن وظيفة خدمة عملاء في مجال المبيعات ...يساعدني

وشكرا لمساعدتكم ...