السلام عليكم ورحمة الله وبركاته

لوسمحتم ممكن مساعدة ؛ أنا شاهدت رويا بشخص معين وهذا الحلم يتكرر علي واتعبني كثير تكراره بعدت أحلام لنفس الشخص

حاولت اتصل بالأرقام الموجودة من النت بالمفسرين اغلبها غلط او مشغول او مافي رد

ممكن أرقام مفسرين ثقه والاسم مع الرقم ووقت الاتصال

لان صراحه صار عندي امنيه معرفة قصة الحلم المتكرر

جزاكم الله كل خير وجعله في ميزان حسناتكم

الفيصاء لك رسالة على الخاص..

و عليكم السلام ورحمة الله وبركاته ..

أنا عندي خدمة حقت الشيخ ناصر السنه بس أرسل و يجين التفسير و ما يطول
بس الشيخ عنده كذا خدمة اللي عندي خدمة اللي جوالاتهم الإتصالات 80934

الله يوفقس ياحجابي دايم ماتقصرين معي

الموضوع مفتوح أرقام مفسرين ابي ضروري

الله يجزاك خير ام عقاب

هل عنده جوال مير أني اخبص بالرساله ودي احكي بالكلام اشوف انه افضل لي

ما أدري يالغلا إذا عنده جوال خاص فيه الله أعلم طيب شوفي تعالي لم قناة بداية يجي برنامج مباشر كل يوم كشكول من الساعة 8 إلى الساعة 12 بالليل يجي الشيخ ناصر الرميح و بعد الشيخ ناصر السنه يفسرون الرؤى على حدود الساعه 10:15 ..


أو روحي لم منتدى بداية و سجلي بتلقين عندهم قسم حق الرؤى أكتبي رؤياتس و حددي الحالة الإجتماعية و العمر و الجنس و قولي رؤياتس كامله وسولفي بعد و المذيع ينقل الرؤيا للشيخ و شوفيه مباشر ..

^^^ أنا مااتابع تلفزيون هذي بداية وش ترددها شفتها ببيت اختي مره يعني اكتب بقوقل منتدا بداية

فاهمه عليك هذي القناة الي تحت فيها شريط صح أنا ماابي احد يسمع الحلم
لان في شخص مهم وماودي احد يسمع الحلم كيف اكتب الحلم بمنتدا او قدام التلفزيون
امام الناس الأحلام من الأسرار .

ام عقاب لا تزعلين لكن ماينفع الحلم ينقال قدام الناس .

يا عسل من حقتس هالشي بس أنتي ما تكتبين حلمتس على العام بالشات حق بدايه لا

تكتبينه بمنتدى بداية لو كتبتيه اليوم بيعرضه لتس المذيع الليله على الشيخ و يفسره لتس ..

بس إذا حاسته شوي خصوصي فمالتس إلا تكتبينه مسج و ترسلينه للخدمه اللي قلت لتس عليه ما أحد يدري إلا أنتي و بتلقين الأرقام الثانيه حقت موبايلي و زين إذا عرضت الحلقة مع تفسير الرؤى بالشريط ..

المشايخ ناصر السنه و ناصر الرميح كذا بالصميم يجيبون لتس التفسير ماشاء الله لاقوة إلا بالله ..

مير اجرب واجيب التردد والقناة واشترك بالمنتدا واشوف حلقه وأقرر ماتقصرين ياوخيتي الله يجزاك بالجنة

ياجماعه من شفت الموضوع نغزن قلبي
ياناس انا صار لي كم يوم اشوف منامات ماهي كويسه وتنبئ عن حاجة مهمة راح تصير
ياناس مرة حلمت حلم وصار حاجة ماهي زينة حصلت صدق وبعدها قامو الناس يخافون مني
سبحان الله اشوف رؤيا حق مافيها كلام مثل الشمس
المهم المنامات الاخيرة فيها حرب والله اعلم الدليل البارح حلمت بحرب وانا اقاتل معاهم
مره حلمت في بشار الاسد ميت في حوشنا والجيش الحر داخل عندي بالبيت
حلمت مره بطيحت الاسنان وطيحت الاسنان تدل على الموت الاسنان اللي فوق تدل على الام والاب والسفلى تدل على الاقارب واللي حولهم
بعدها كمن يوم واحد هو وزوجته رايحين يتمشون بالاردن ماتو في حادث سياره واحترقو بالسياره من القرابه
وبعدها العالم كصت مني
وحلمت بواحد وجهه اسود من القرابه سالت عن واحد قال هذا مدمن معاصي وزي كذا طلع الرؤيا حقيقه الرجل راعي ذنوب وتقصير