ياجماعة تكفووون افيدوني عن المعهد المهني السكري كيف طريقته ووين اتوظف بعده في الامن العام ولا ايش وهل في مكافائات في مدة التدريب تكفووووووون افيدوني

اعتقد بانك تدرس واذا فتحت تقاديم يكون لك اولوية

اذ كنت تبي نصيحه مني لا تدخل المعهد فاشا

المعهد المهني العسكري تكرررف دورة عسكرية لمدة سنه ويعطونك شهادة ماتنفعك بريال
نصيحة نصيحة نصيحة ابعد عنه
ادرس حاسب 6شهور او قدم على كلية الاتصالات او التقنية وخذ دبلوم سنتين احسن لك
والله يوفقك

والله العظيم صديق اخوي دخل بالمعهد هذا واخذ الشهادة والله مانفعته بشي ابداااااااا
لكن اذا عندك واسطة قوية جدا خذها وقدم على اي قطاع تبيه لكن واسطه اهم شي

ولد عمي دخل بمعهد القصيم اضنه قفل الحين
خوياه توضفوا بالجيش وهو سقط بالكشف الطبي لان الكشف نهاية التدريب

وولد عمي وولد خالي دروسو باخر دوره بمعهد القصيم
المعهد يرفع اوراقك للوزاره صور من شهادتك والاصل معك
ولد خالي متعين له سنتين بالحفر دقو عليه الوزاره وقالو له تحضر تستلم اوراق تعيينك
وولد عمي قدم على قوة الصواريخ قبل سنه وطردوه لجل الطول
وبعد 3 ايام من طرده اتصلو عليه وقالو له يراجعهم وراجعهم وقالو اراقك جت عن طريق المعهد
ومشوه بالطول والحين له سنه متعين بقوة الصواريخ
مكافئه فيه مدري 700 او 800
اذا خلصت الدوره بالمعهد تختار عسكري او مدني الوضيفه اللي تبي
عسكري تتوضف اما مدني مدري عنه يقولون نادرا الوظائف
تبي تدرس بالتقنيه بعد المعهد يحسبون لك المعهد عن سنه

يعني بالعربي احسن من الجلسه قدم فيه
وادرس وان جا غيره قدم واذا انقبلت اتركه