السلام عليكم ورحمة الله وبركاته ..

انا صراحه تعبت وانا اشتغل في الشركات ولمتى اكون موظفة فـ قررت بعد مااكتشفت كثير شغلات

ان يكون عندي بزنس

اصلا عندي طريقة لعمل الساندوتشات بخلطة حلوه والكل يسال عنها فـ قلت ليه ماافتح لي محل خاص بالوجبات السريعه

بس معرف وش المطلوب مني في ناس قالو لازم تجيبين لك تصريح من البلدية

ولازم يكون عندي اسم تجاري

قلت لازم اروح الغرفه التجاريه وافتح لي سجل تجاري ب اسم موسسة لي وكنت ابيها موسسة لتنظيم المعارض والمؤتمرات ووكالة دعاية واعلان

اقدر اجيب تصريح من وزارة الاعلام

ومدري ايش الخطوات الثانيه ابغى الفايده منكم

يعني استأجر مكتب خاص ويكون فيه تقريبا 3 غرف من غير الصاله واخلي كل غرفه مكتب خاص
لكل نشاط ؟ فيها مشكله او لا ؟؟ علموني بليز

وابيكم تعلموني بشكل خاص عن فتح مطعم خاص للوجبات السريعه مثل ماك وكنتاكي كيف الطريقه

وهل لازم تكون كامل المعدات والاثاث لانها شوي شوي تجي

سبحان الله مدري ليه تايسرت معي من اكثر من ناحيه المعدات مثل القلايه والفرن الخاص بالعمل واكثر تبرعت موسسة خاصه فيها انها تزودني بكل شي بعد 3 اشهر اسددهم

وحتى الخضار والمعجنات

وبنسبة لديكور بعد تبرعت شركه بتجهيزه والفلوس بعدين

حتى عمل الفواتير والكراتين والاكياس توفرت معي والحمدالله

ناقصني الموقع والتصريح وش رايكم وش نصيحتكم

افكر في العماله ابغى بنات سعوديات مدري فيها مشكله او لا ماابغى اخذ اجانب

رفـــــــــع

في البدايه تحتاجين تحددين اذا كنتي تبين تجهزينها في البيت او لا اذا بالبيت ففيه جهاز تساعدك بتجهيزه انشاالله يفيدونك فيها الاعضاء

اما اذا بتاخذين محل فالبدايه تكون عن طريق البلديه وتستفسرين عن متطلبات اخذ رخصه لنشاطك
راح يزودونك بمساحات لازم تلتزمين فيها عشان تاخذين الرخصه مثال
بوفيه تسالي لازم يكون عندك ٩ امتار للمستودع و١٠ لمكان غسيل الاواني و١٦ لمكان تجهزين الاكل .. فلاتستعجلين باخذ المحل الا بعد ماتتاكدين انه يناسب مساحات النشاط اللي بتبدين فيه

بالنسبه للسجل التجاري فبالاول ماكان مطلوب سجل تجاري يمكن تغير نظامهم وتقدرين تستفسرين منهم

بالنسبه للسجل فالحصول عليه الكتروني وسهل تدخلين علي الرابط:
http://eservices.mci.gov.sa/Eservices/Default.aspx
تحجزين لك اسم تجاري ومو اجباري وبعدها تتبعين خطوات الاصدار
وبعدها تشتركين بالغرفه التجاريه وهذي بمراجعتهم وموضوعه ماياخذ ساعه زماان

وبالتوفيق

يعطيك الف عافيه اخووي بس معقوله يتحكمون ب المتر والمساحه ياخي الواحد على قده في البدايه

وبعدين اسوي النشاط هذا في البيت صعبه ناقصه البلدية يقفلونه علي ماني عارفه كيف تقصد في البيت

هي وجبه تقدم ساندوتش وبطاطس وببسي

وبنسبه للسجل التجاري عليه فلوس ولا اييش ؟ تكفى ترد علي

والف شكر لك والله يوفق الجميع

[align=center]أختي العزيزة لا أستطيع آن أخدمك إلا في مجال عملي فأعذريني ولكن قد يكون هناك من الناس في المنتدى الذين يعملون بنفس المجال يفيدونك أكثر بأرائهم وأقتراحاتهم
ولكني أقدم لهم نصيحة بأن لا يبخلون عليك بأي معلومة بدون خوف من المنافسة فالرزق على الله سبحانه [/align]

هذي اشتراطاتهم عشان الرخصه غير ان الارضيه والجدار لازم تكون سراميك طبعا

السجل التجاري تقريبا تكلفته ١٢٠٠ ريال واشتراك الغرفه تقريبا ٣٠٠ يتجدد سنويا بالنسبه لااشتراك الغرفه

نقطه جوهريه بالموضوع وهم العمال ترا جيبتهم مي سهله ابد ابد

يعني بتحتاجين شهر تاثثين المحل وتنفذين اشتراطاتهم وبعدها تاخذين الرخصه وتقدمين علي العماله وراح تاخذ من ١٥ يوم الي شهرين وبعدها شهر لين تستقدمينه فبيكون راح ٣ او ٤ شهور وتوك مااشتغلتي

عندي لك اقتراح بس مادري يناسبك او لا

انك تبيعين خلطتك للساندوتش اذا هي مميزه علي المطاعم اكيد بتقولين وشلون فيه اكثر من طريقه

اولها انك تروحين للمطاعم الكبيره اللي يقدمون مثل الساندوتش حقك وتقولين لهم عندي خلطه مبتكرتها وابي اعرضها للبيع ويجربونها لو كانت فعلا قويه ماراح يخلونك تطلعين الا متفقين معك

الطريقه الثانيه انك تعرضينهت علي المطاعم الاصغر منهم

بكذا تكونين استثمرتي فكرتك باقل مجهود وبدون خساره

وبالتوفيق

شاهد على العصر مشكور لانك قدرتني وشاركتني في الموضوع يعطيك العافيه يكفي وجودك

فكره بيع الخلطه او الساندوتش اقترحتها عليك عشان يكون حلك الاخير

وبعدين لو كانت الخلطه ممتازه فتقدرين تبيعينها علي اكثر من مطعم من المطاعم متوسطه الحجم

لو افترضنا انك بعتيها ب ١٠٠٠ علي ١٠٠ مطعم = ١٠٠،٠٠٠ ميه الف مبلغ مهوب سهل وبدون اي تكاليف وعليك الحسبه

موفقه