خاطري بمشرووع ..لكن محطمه

الهاديه · #1 (**permalink**) 06-12-2012, 04:20 AM

[SIZE="6"]مساااء ال[/SIZوورد

انا عاطله وطفشت انتضر وضيفه

فلت اطرح موضوعي لعل الاقي من يشير علي

بصرااحه كلما اطرح مشروع عند اهلي بحطموني صعبه بتخسرين مايصلح ومن هالكلام

يعني وش اسوي طيب

ياليت تشيروون علي ياهل الخبره E] وجزااكم الله خير

asdfghjk · #2 (**permalink**) 06-12-2012, 04:32 AM

نشور عليكي لازم تكون عندك خبرة في اي مجال تبين تشتغلين فيه

يعني لو تبين تسوين مشغل دوري لكي مشغل واشتغلي فيه لو ببلاش لحد ماتفهمي الشغل وتسوي مشغل

واذا مواد تجميل اشتغلي مندوبة لحد ما تعرفين الشغل

واي مشروع لازم تكون عندك خبرة ومعرفة وراس مال كافي وانشاء الله ان الله غير يرزقك

إخْتِنَآق © · #3 (**permalink**) 06-12-2012, 04:46 AM

الهاديهه لاتتحطمين هذا اهم شي ي حلووه <3

وبعدين انتي تبين تبدين مشروعك من البيت والا مشروع كبير ؟!

وعندك رآس المآل ..؟!

اذا من البيت في افكار كثير اقدر اساعدك فيها !

شمعة&فكرة · #4 (**permalink**) 06-12-2012, 08:29 AM

يمكن لو تسألين اغلب الشباب والبنات هنا

وش استفدوا من مشوره الأقارب الجاهلين بحتياج العمل بيقول والله تحطيم وتردد

لازم تتجهين للتفكير بشيء تقدرين تقومين به في بيئتك الطبيعيه

وبعدين مثل ماقال الأخ تأخذين دوره فيه من خلال دورات تعليميه أو عمليه او حتى تشتغلين مجاناً

لكسب الخبره وبعدين تبدأين بمشروعك بأساس سليم ودراسه جدوى وبالطرق النظاميه

وعدم الاتكاليه لازم تعتمدين على نفسك بتنفيذ كل خطوة والله يوفقك

مهندس تجاري · #5 (**permalink**) 06-12-2012, 04:18 PM

إبدأي في شيء تتقينه

من هنا نقطة البداية

والرزق قادم بعون الله

ارامادا · #6 (**permalink**) 06-12-2012, 06:54 PM

بتوفيق لك

أطياف الأمل · #7 (**permalink**) 06-12-2012, 07:53 PM

اقتباس:

المشاركة الأصلية كتبت بواسطة إخْتِنَآق ©

الهاديهه لاتتحطمين هذا اهم شي ي حلووه <3

وبعدين انتي تبين تبدين مشروعك من البيت والا مشروع كبير ؟!

وعندك رآس المآل ..؟!

اذا من البيت في افكار كثير اقدر اساعدك فيها !

اختي ياليت تعطيني فكرةعن المشاريع من البيت بس مايكون طبخ و مكياج كذا

لاني بصراحة ماعندي وقت ولا زبائن كثير اسوق عليهم

الهاديه · #8 (**permalink**) 06-12-2012, 09:11 PM

[SIZE=لكم جميعا حبايبي

ماقصرتو

مشروعي بيكون من البيت ولكن ماعندي افكاار جديده LOR="Green"]شاااااكره ل[/COLOR][/SIZE]

AL Shemali · #9 (**permalink**) 06-12-2012, 10:27 PM

مشروع في البيت ؟

طيب عليك باسواق الجملة
شوفي أكثر السلع اللي عليها طلب وخذيها منهم بالدرزن
وبيعيها بسعر أقل من سوق التجار ع النت ..

عندك أيضا الأقساط
تتعاقدي مع مكتب لكتابة العقود فقط ياخذ على كل عقد 200 ريال
وخلي ربحك 45% والقسط حسب سعر السلعة ,, يلف ويدور المكتب يتفاهم معه

عندك خلطات البزارات والبهارات ،،للطبخ ونوع للمشاوي وكذلك نوع للقهوة سوالف حريم انتم أدرى فيها ما افهم فيها سوي لك خلطة كويسة وجربيها وسميها بإسمك وغلفيها بشكل مرتب وبيعيها ..لكن ابعدي عن الخلطات الطبية اللي ماتجيب إلا البلاوي ..

المشاريع اللي ذكرتهم لك ماتحطين راس مالك كله فيها ،،حبه حبه حتى يقوى عودك وتفهمي الشغلة
بالنسبة للتحطيم نحن كشعب هذا طبعنا سوداويين ونحب تكسير المجاديف والله ماتقول لواحد بسوي كذا
إلا يقولك لا وبتخسر وبيصير كذا ويصير محلل على رأسك ..
لاتهتمي بأحد نفذي وطبقي والحياة تجارب والفرص ماتتكرر والعمر يركض ..

الراآسيه · #10 (**permalink**) 06-12-2012, 10:55 PM

اهنيك على طموحك احسن من اللي
ينتظر وظيفة مايدري متى تجي..

اختي اذا لك مهاره او هوايه وحب للاعمال
والشغل بيدك اشتري لك خامات منوعه
تسوين منها توزيعات وهدايا واستاندات
للمناسبات اللي على مدارالسنه
مواليد
زواجات
اعياد
حطي فكره وشكل ونفذيه
وصوري وانشري ابدي بالمقربين
منك..
صدقيني هالاشياء عليها اقبال
وبيجيك مكسب طيب بالبدايه يمكن
مايجيك مكسب كثير لانك توك مبتديه
حتى تتقنين الشغله وتصيربن تحسبين لكل شيء حساب
ملاحظة لازم معك ايدي عامله حتى ماتضغطين نفسك وتملين
امك او خواتك بيكون تمام سمننا بدقيقنا