الاخوة الاعضاء عرض علي احد الاصدقاء المتاجره في السكراب وذلك عن طريق الشراء من هنا والتصدير للخارج
من عنده فكره عن الموضوع ويقدر يفيدنا عن هذه التجاره لايبخل برايه وتجربته
هل التصدير سمح به الان لان كما سمعت في السابق انه ممنوع وتقبلو تحياتي.

فقط اللي اعرفه انو شغل السكراب فيه خير

بس ماعرف فتحواالتصدير او لا
ربي يوفقك

اخوي الوافي
تجارة السكراب بحد ذاتها مربحه جدا والبيع و الشراء بعملة البلد الريال السعودي فمابالك بالتصدير العمله بالدوﻻر و سعر الطن يفرق
انا شخصيا اشتغل فيه و استخرج تصاريح التصدير
ولكن تواجهك مشكله و عدم المصداقيه من كثير كثير من المشترين و اللي يحوس الشغله كلها الوسطاء و الطمع والكل يبي يغتني في ليله

المشكله الثانيه ان طلب شراء السكراب يكون بالوزن و العرض غالبا يكون شيله بيله
او يكون البائع يطلب من المشتري ان يدفع مبلغ ﻻ يقل 10 مليون ريال كا مبلغ تامين في حال ان البيع لكامل الموقع و يبداء يوزن المشتري و يدفع قيمة الحموله حتى يتبقى كمية بقيمة التامين

متعبه جدا الشغله ولكن مربحه جدا جدا اذا توفقت في مشتري جاد و بائع جاد

واذا عندك مشتري عندي موقع في الرياض يوجد فيه كميه 65 الف طن من معدات و بيبات و مصنع خرسانه يعتبر جديد مع وجود
السي دي الخاص بتركيب المصنع و للعلم المصنع لوحده مسيوم باكثر من 18 مليون ريال
سعر الطن 1000 ريال و اذا فيه جديه و مبلغ تامين كبير انا اخلصه لك باقل من كذا

و برضو عندي تصريح تصدير لكمية 470 الف طن وسعره معقول للجاد

و اي استفسار بخصوص السكراب و التصدير و امور الجمارك تفضل

و بالتوفيق

نبع الصمت شكرا لك على المشاركه

رجل اعمال الله يوفقك افدتني كثيرا
اما المشكله الاولى فهي محلوله المشتري في الخارج جاد وجاهز وماراح اشتري له الا اذا دفع المبلغ كامل والي في الخارج عباره عن مصنع
اما المشكله الثانيه وهي شراء السكراب شيله بيله فهي مشكله فعلا
اما التصدير فانا عندي سجل مقاولات هل اقدر اضيف له نشاط تصدير وهل مسموح بتصدير السكراب وماهي الاليات والطرق المعمول بها لاتممكن من تصديره

اما عرضك فهو قابل للتفاوض والتفاوض الجدي ولو ان السعر غالي. بس ودي تمهلني فتره لارتب اموري وان شاء الله تزين الامور ويكون بيننا تعامل ومعرفه جاده وصادقه ويكون لي الشرف والله ييسر الامور وشكرا لك

الشرف لي اخوي الوافي

تقدر تضيف نشاط استيراد و تصدير او ماتحتاجه اذا فيه تصريح تصدير ﻻنه حيكون عقد و وكالة تعاون مع صاحب امر التصدير بحيث يتيح لك حرية التصرف و البيع و التصدير ويكون وجوده معك للخدمات اللوجستيه والدعم لدى الجهات المعنيه
بخصوص ان المشتري خارج المملكة فاتوقع ان طريقتهم فتح اعتماد بنكي وﻻ راح يدفعوا كاش و انا مجرب مع شركات ايطاليه و مصانع هنديه مايشتغلون اﻻ بعتماد بنكي و يصرف المبلغ بوجود بوليصة الشحن اﻻ ان كان تعاملك معهم بشكل ثاني
اما بالنسبة للسعر قابل للتفاوض في حال وجود مبلغ تامين ﻻ يقل عن 10 مليون و التقطيع يكون خارج الموقع مع اعطاء مهله ﻻ تزيد عن سنه للانتهاء من افراغ الموقع وهذا كﻻم صاحب الموقع و انا اعرفه معرفه شخصيه مع وجود مجال للتفاوض معه
والسعر ما اشوفه غالي ﻻن اﻻسعار برا ماحتكون اقل عن 1000 ريال للطن

وتصدير السكراب كثير من اﻻنواع ﻻبد من وجود تصريح تصدير
ولها مواصفات تقطيع و اتوقع عندك خلفيه عنها
الله يوفقك و يرزقك و يبارك لك في رزقك

الى رجل اعمال السلام عليكم هل من الممكن ارسال رقمك على الخاص وشكرا

الله يوفقك

مشاء الله تبارك الله

فكر في خردة بطاريات السيارات

سعر الطن 3000 ريال

البطاريه 55 امبير اتوقع وزنها بين 18 الى 22 كيلو والكيلو ب 3 ريال

لو تشتري البطارية الوحده من البناشر بمبلغ 30 او 35 ريال انت ربحان مايقارب 20 او 25 ريال على الحبة الوحده

الله يوفقك