السلام عليكم ,,
بصراااحه فكرت وقررت افتح حضانه اطفال من سنه الى 5 سنوات ولكن

ماقدر افتحها في البيت زووجي رفض رفض قوي وقال مب فاضي للا زعاج وشيلي الفكره


بصراااحه تحطمت ,,, حبيت الفكره ولكن للاسف محد مشجعني

وفكرت استاجر دور ارضي او شقه ارضيه بس مدري هل لازم اجراءات يعني اجهل هذي الامور

ياليت الي يقدر او يعرف شي يساعدني


دعواتي لكم

والله يا اختي مدري
ما املك غير دعوه الله يعطيك على قد نيتك ويرزقك

[align=center]شوفي أختي العزيزة
إذا أنتي جادة حاولي آن تفتحين حضانة على مستوى عالي وتشتركين مع مجموعة من السيدات أو من خلال دعم مالي أستثمار
لأنك في هذا المشروع تلامسين أفئدة الوالدين
ولا يمكن للأكثرية آن ترسل فلدات أكبادها إلا من خلال حضانة معروفة ولها ثقلها وتكون مرخصة ونظامية وفيها جميع وسائل السلام
ويفضل آن يكون لها عدة فروع في المدينة مع تأمين مشرفات موثوقات وتواصل مع الأسر
وبعد ذلك فالغالبية لا يهمها أرتفاع السعر طالما أنها موثوفة
هذه وجهة نظر ي
حفظك الله [/align]

انصحك تسوين دراسه جدوى وتقدمين على بنك التسليف

وتسوينها على شكل حضانه وروضه وتمهيدي بتكون مجديه بس تدرسين موضوعها

حتى يقبلونك وتكونين ملمه وتسوين عرض بور بوينت ودراسه جدوى متكامله وموقع مقترح

وتشوفين اسعار التجهيز والأيجار وكل شيء

والله يوفقك

مشروع قوي وحلو لكن يبيلك روحه لادارة التعليم والدفاع المدني و ومكتب العمل و الامانه

اما عن استاجار دور او شقه بصراحه بصراحه انا افضل انك تستاجرين مبنى كامل بحوش حلو مو شرط يكون على شارع تجاري

وتسوين له توزيع لطفايات الحريق وتعاقدين مع حاضنات ومعلمات وطباخه محترفه

وتجهزين المبنى بالعاب المناسبه للاطفال و الكتب والقصص التعليميه للاطفال

وتسوين حركة تعليم وترفيه انك تعطين الاطفال ادورا الكبار مثل الطبيب والمطافي ورجال الامن ومدرسين

شفتها بالصين وحبيتها مررررره

بس تبدين بدايه حلوه واذا ما عندك القدره الماليه روحي لم المؤسسات والهيئات الي يدعمونك

والله يوفقك واتمنى لو فدتك لو بشي بسيط

مشكورين ماقصرتو على الافكار والمعلومات المفيده
الله يوفقكم ويرزقكم ...

مشرووووووع ناجح

الله يوفقتس

مشكوره اختي الله يوفقك
فعلا المشروع ناجح ولكن للاسف ماقدر اسويه لان تنقصني اشياء كثيره خاصه من الاداره الماليه

ولازم احد يساندني بكل خطوه يعني بروحي ماراح يكون ناجح وماراح اعطي المشروع حقه كامل

ومسؤلية اتفاق مع موضفات وروحه للدفاع وللوزاره وغيره... يعني السالفه يبي لها احد قوي وقد المشروع

وبصرااحه حلو اني طرحت الفكره هنا لان الاخوان ردو علي ووضحو لي اشياء ماكنت اعرفها
شاكره لهم والله يوفقهم ...

ولكن ممكن يكون مشروعي مستقبلا لا ادري ماتخبي لي الايام ..
دعواتكم اني احصل وضيفه وارتاااح

[align=center]
اتمنى لك التوفيق

والشباب ما قصروا بالردود

تقبل تحياتي وودي
[/align]