الشهادة ثانوية علمي لليلية النسبة 80 الطول 179 أو 178 الوزن مابين 60 إلى 63 وش القطاع اللي يقبلني والله تعبت وأنا أقدم في القطاعات وكل القطاعات اللي راحت قدمت فيها اللي يقول نعتذر واللي يقول أحتياط واللي ينادوني ويأخذو الطول والوزن ويصرفوني عمري صك 26 وش الحل لأ فلوس ولا سيارة ولا زواج حتى اصحابي يدقو عليه يقولو نطلع اصرفهم عشان الطفرة واذا طلعت معهم ولا قطيت استحي وهم يجاملوني يقولو الجيب واحد وحتى جماعتي اذا جونا البيت ما اقابلهم عشان ما يسألوني توظفت ولا باقي قسم بالله شي يقهر في أغناء بلد وعاطلين لين متى يا وطن لين متى عطالة وطفرة وجوع لين متى حزن وغرابيل وهموم

الحال من بعضه الشهادة ثانوية عامه النسبة 70 الطول 174 الوزن67
وكل ماقدم بقطاع مايقبلني مبدئي مدري ليه
هل المشكلة بنسبتي او ايش الله اعلم بس كل قطاع اقدم فيه مايقبلني قهررر من تخرجت للحين ابي ع الاقل قبول مبدئي افرح شوي وودي با الامن العام

الله كريم يااخواني الحال من بعضها لكن الصلاة ياشباب هيي اساس الرزق والبركه اذا وشوفو اذا مقصرين في الصلاة فانتبو يا اخوان والله يوفقنا لمايحبه ويرضاه

اشتغل في شركه الين تفرج
كثرووووووووووووو من الصلاه والاستغفار

الحال من بعضة بس الله كريم

طولك مناسب جميع القطاعات تقبلك سجل في الحرس الملكي من على النت
وسجل في أمن السفارات في الرياض ملفات قبلو ناس نسبهم على 68
وعلى 70 يقبلونك إن شاء الله

الله كريم وماتضيق الا تفرج عاطل من عام 1424

ياحبيبي وياحياتي ياخي لا تشتكي لنا معليش على التز بيد هههههههههههه


اشتكي لربك وفضفض لربك كل الي في خاطرك قوله وباذن الله راح تتيسر امورك كلها اخر الليل اقلها ركعه واحده بس خذ لك ركعه وسلم وادعي ربك واشكي له الحال والله راح يحقق لك الي تبغى اذا كان شر لك راح يحقق لك احسن منه وكل امرك لله .


ومعليش مره اخرى ..

تقبل مروري

هذا رزق ياغالي
ولا تشتكي للخلق ارف يدك للخالق
ودامك وصلت للمرحله ذي
انا اشوف تشتغل بشركه مشغله لبنك براتب 4500 ازين لك منها تاخذ خبره
ومنها تفيد نفسك بالفلوس وتقدر تجمع كم قرش وتطلع ك سياره تمشي حالك فيها
26 سنه ولا درست ولا سويت شي اعتبرك غلطان اشششتغل وسجل بالجامعه انتساب
ترا مما راح يفيدك جلوسك بالبيت وتقول ضامن الوظيفه عشان طولي ووزني

خذ نصيحه من اخوك عمري 23 واشوف اني بموت من الطفش نفس وضعك
بس الله يكتبلي القبول بقوات الامن الخاصه ونرتاح ^_^

واذا ما تبي تشتغل
سجل بحافز
او ادخل اي مركز تدريب منتهي بتوظيف اضمن لك 2000 ريال تاخذها بحسبك شهريا
ودورتين انجليزي وحاسب على حسابهم ويعطونك 2000 ريال
يسجلونك بالتامينات ويوقعون معك عقد توظيف بس انت استفد من الدراهم وخذ الشهادتين مدتها 6 شهور
واسحب على شركتهم