23-12-2012, 11:51 AM
|
 |
عضو نشيط
|
|
تاريخ التسجيل: Feb 2008
المشاركات: 165
معدل تقييم المستوى: 33
|
|
والله ياخوي ماقول لك الى الصدق عن تجربه لأخي
أخي من الدفعه الثانيه من مدينت التدريب بالامن العام بالرياض
بحكيلك قصته وأنت أحكم
دخل طبعا مثل ماقولتلك الدفعه الثانيه
اول شي كانوا يعاملونهم معاملت مجند بالامن العام يعني
دخل أخذ فرد أساسي 45 يوم
وحصه صباحيه ويعامل معاملت المجندين هو ومن كان معه
جزوات على تعقيد على توقيف وكل شي
والله أنه كان يتوقف خميس وجمعه متعمد لأنهم ماكانوا يعطونهم الى 800 ريال فقط
وغير التعامل النفسي المحبط لهم طبعا اخي ليس من مدينة الرياض ولا يعرف أحد في الرياض
وكنا نقول له أفصل ورجع أفضل لك
وكان مصمم يقول أنهم يقولون لهم انتم تتوظفون على طول الي يبي عسكري والي يبي مدني
مصنفه بالمرتبه الخامسه او قال السادسه من ديوان الخدمه المدنيه
مالك بالطويله وقصص التعقيد والمرمطه الي أكلها
قسم بالله أنه لو يحكيلك بعضها لتهل دمعتك من اللي تحمله هو والمجموعه الي معه
ومن معاناتهم داخل مدينت التدريب وخارجها أفضع من مبيتهم مثل المشردين في المواقف وفي المساجد
لما يطلعون خميس وجمعه ومن صبرهم
وهم يشوفون المجندين الي يدخلون مجدندين رسميين يعني معينين جندود
ماهم تبع المعهد العسكري المهني
يتخرجون ومكافأتهم فوق 2000 ريال
وهذولا ياخذون 800 ريال ودقوا أكثر من سنه تدريب عسكري وفوقه تعليم
وأخيرا مصاب بحاله نفسيه صعبه جدا
وحسبي الله علي من كان السبب
طبعا متخرج من عام 1426
طبعا بمعدل 3,81 من 5
والى يومك عاطل ومصاب بحاله نفسيه ومحبط الى أبعد الحدود
والله أني أبحث له أنا عن وظيفه وأقدم له بنفسي لأنه فقد الأمل
(طبعاَ يمكن يكون الوضع تغير الله العالم عن الدورات الجديده لاكن هذه معانات الدفعه الثانيه من هذا المعهد بالامن العام والله معرف واحد من أصحابه توضف بالشهاده هذه)
ولك الخيار
|
افيدوني الله يوفقكم التدريب العسكري المهني
العرض العادي
