السلام عليكم ورحمة الله وبركاته .

لنا قريب عنده بيت للايجار .. وفيه غرفه على الشارع كانت محل خياط ايجارها الشهري 500 ريال ,, كان فيها خياط هندي اشتغل تقريبا عشر سنوات .. وحاليا المحل مغلق ..

أفكر استأجره أنا وأبدأ فيه مشروعي وأجيب خياط وأسوي الرخصة والاجراءات .. عندي راس مال تقريبا 30 الف ,,

الجدوى من مشروعي ابي استثمر المبلغ اللي معي بأي طريقه كانت .. لو يكون ربحي الشهري 500 ريال اعتبرها شيء رائع .. لان عل الاقل في ارباح ,,

أتمنى اذا احد عنده خبره سابقه يفيدني .. وخاصه اني مااقدر استشير احد حولي , لان ابي الموضوع يكون بسريه لان عندي اخو متسلط علينا لو يدري عني يقلب البيت فوق روسنا ولاحول ولاقوة الا بالله ..

انتظر ردودكم

رفع ,,,

رفع ...

اهلا اخي

الفكرة جيدة لان الايجار مغري ولكن المشكلة الان في العمالة لانك لاتستطيع الاستقدام الا بتوظيف سعودي وهذا مكلف عليك وغير 2400 اللي بتدفعها سنويا للعامل ولكن في طريقة انك تجيب خياط بفيزة سائق خاص وهذا هو الحل

اتمنى لك التوفيق

شكرا لك اخوي .. لكن ابي اسأل عن طريقة استقدام العامل بفيزة سائق او بناء الخ ...

من وين الاستقدام يكون ؟؟ وكم يستغرق الوقت ؟؟

انا افكر بنقل الكفاله .. يعني ابحث بين الخياطين واسألهم اذا يعرفون خياط يتنازل عنه كفيله .. مدري يصير كذا والا لا ؟؟ لانماعندي خبره للاسف

والشي الثاني .. هل ممكن تكون خساره من هالمشروع ؟؟ لاني لاحظت قليل محلات الخياطه اللي تقفل !!!
بعكس الاسواق والمشاريع الاخرى ... يعني استنتجت ان الخساره فيها نادره ..

اتمنى احد يفيدني

نعم تستطيع نقل الكفالة ولكن بشرط توظيف سعودي وتكون مهنتك متسبب
بخصوص المشروع يعتمد على الموقع ويكفي انه معروف له عشر سنوات وهذه في صالحك

وان شاء الله مافي خسارة ولازم تصبر حتى تدخل ربح

اتمنى لك التوفيق

نعم طبقو القرار

و الخياطين اللى تشوفهم اغلب مهنهم سائق خاص وانصحك بشراء فيزة سائق خاص اذا لم تستطع الاستقدام

تحياتي لك

انا اقول شغل ما تشرف عليه وتعرف كم دخلك بجد لا تصلحه لان الخياط بكره يقعد يقولك والله شغل مافيه كويس ولا يهرب انتبه دور اي شغله انت تقوم فيها بنفسك مثل محل خضار بموقع زين وتكلفته بدون ايجار 2000-3000 ريال خشب تعرض عليه الخضار وسلامتك .