السلام عليكم اخواني اخواتي

والله إني بحاله لا يعلم فيها غير الله

أنا قدمت على بطاقه بدل فاقد وقالو بعد اسبوعين اجي استلمها

و صارت مشكله بيني وبين اخوي واخوي له صاحب يشتغل في الضمان

فاعشان ينتقم مني راح دق على صاحبه وقال إني (أنا) لقيت البطاقه وخلاه يلغي طلبي

تخيلوا ها الحقد اللي فيه وجاء يقول لي وهو فرحان

والله اني اتحسب عليه وهو ولا همه ...يقول لي أنا اركض لك وأنتي اللي تاخذين الفلوس

والمشكله له وظيفه لكنه طمعان بزياده

وش اسوي الحين اقدم من جديد وهو مستحيل يقدم لي وهو اخوي الوحيد وماعندي اب وخوالي في دوله ثانيه ولا لي عم مالي غير ها الاخ الظالم

الله ييسر لكم امركم ساعدوني مالي غيركم

ليه محتاجته روحي بنفسك وقدمي وتطلع لك غصب عنهم وانا اختك ما عليك منهم

أختي ماقدر لازم معرف ومالي غيره ...لو عندنا قسم نساء كانت احوالي بتكون احسن لكن ماقول غير حسبي الله عليه

الله يسهل امورك لكن انتي تاخذينها غصب عنه

مومعقوله وش هالاخوا اللي يتصرف كذا كل اللي عليك حاولي تكلمين اخوك بهدوء وتتفاهمين معه وانه انتي محتاجته ولالك سند الا هو ودامه يعرف احد بالضمان راح تتيسر امورك بعدالله الله يسهل امرك يارب

الله يصلحه ويهديه ويجعل مابينكم الحب والتوافق والتفاهم آمين يارب العالمين

اختي جروح السنين لو كان الكلام ينفع كان راح تنتهي المشكله من زمان لكنه معاند

طيب اقدر ادق على الضمان واقول لهم يرجعون طلبي عن البدل الفاقد او ايش

حاولي تروحين للضمان وتسوين طلب جديد او تستفسرين عن طريق الرابط عن بطاقتك متى تاريخ نزولها هي اساسا تجي للفرع بدون طلب ولا الغاء حاولي تشوفين الموقع اذا ماتقدرين تروحين

حسبي الله عليه هذا مايستاهل ينقال له اخ!! لكن مو معقوله ماعندك غيره؟ ماعندك عم والا خال والا اي قريب؟؟
وبالنسبة للبطاقة دامك سلمتيهم ملفك فاول مره فاعتقد بس تتصلين عليهم وهو يراجع ملفك الموجود عندهم ويسجلك طلب من جديد,, هذا اذا اخوك بالفعل الغى الطلب ممكن يكذب عليك لا اتصل ولاشئ!!

وش ذا الاخ الله يهديه ويصلح باله
ارجعي لنفس الموظف اختي وقولي له السالفه
لجل يرجع يطلب البطاقة ويستعجل فيها
ولجل ينتبه من اخوك ما يسويها مره ثانيه معه