السلام عليكم ورحمة الله وبركاته

انا براسي مشروعين المشروع الاول : تجارة البرسيم حيث اقوم بستئجار تريلا وشراء البرسيم من الجوف او وداي الدواسر وابيعه باي مدينه ثانيه وش رايكم فيها وايش احتاج وكم تقريبا اربح بالشهر وكم عامل احتاج علماَ اني ساقوم بايجار تريلا لنقل البرسيم . واذا استاجرت تريلا لنقل البرسيم هل احتاج سواق او لا او التريلا اللي اجرها فيها سواق ؟ وكم عامل احتاج اريد معلومات كافيه عن المشروع من البدايه حتى النهايه ؟

المشروع الثاني : تجارة الاسمنت حيث اقوم باستئجار تريلا ونقل الاسمنت من ينبع او القصيم وبيعها بمدن اخرى هل فيها فايده وكم تقريبا اربح بالشهر وكم عامل احتاج ؟ اريد معلومات كافيه ارجوا الافاده؟
من عنده اي دراسة جدوى عن تجارة البرسيم او الاسمنت ياليت يقولها لي ولكم كل الشكر ؟ علماً انه ليس لدي سطحه وانما ساقوم باستئجارها .

طيب موقعك وين

الله يسهل عليك

والله يوفقك

بخصوص مشروعَ البرسيم ، اذا مو آنت راح تستاجر الدينا وتسوقهآإ بنفسك ماراح تطلع بمبلغ زين ..

وترا مشاريع البرسيم تبداء بالصيف لان بالشتاء السوق متوفر فيه العلف والاراضي مربعه والحمد لله ،
الى اذا انك تبي تشتري برسيم الحين وبتخزن وبالصيف تبيع هآذآ شي ثاني ..

والعمال ، ميحتاج .. عمال من المزرعة الي تبي تشتري البرسيم منهآإ يحملون لك البضاعة بالدينا وبالسوق المشتري ينزل البضاعة .. واذا بتجيب معك عمال هاذا شي ثاني بعد .. لان المشتري يمكن ماتحصل عنده عمال ،

والمشروع تكلفته تقريبا مع استاجر الدينا 15-25 الف .. والمكسب انت وشطارتك 5% ولـ 25% ..

وآكثر ناس تكسب من مشاريع البرسيم ، الي تشتري بالشتاء وتخزن وبالصيف تبيع بالجمله على بسطات ، هآذآ دخله يمكن+50% بس يبيله نآس من اهل السوق ويعرفون الوضع بكرآ بالسوق كم يحتآج ومخآطرهه ..


وانا انصحك وقبل تدخل باي مشروع اسال اهل الخبرة يفيدونك آكثر منآإ ، ومشروعك الثاني حق الاسمنت من وجهة نظري اشوف فيه مبلغ زين بس اذا انت عندك تريله سطحه ملك لك .. لان اجارات التريلات غاليه .

ومايقصرون معك الاخوآن ان شاء الله

الموقع الجوف

طيب بالنسبه لمشروع الاسمنت لو استاجرت سطحه واشتغلت بالاسمنت هل فيها فايده ومن وين اجيبه القصيم او ينبع وكم احتاج راس مال وهل ممكن احط عامل يشتغل او لازم اكون معاه وكم تقريبا اربح شهرياً من تجارة الاسمنت ؟ وكم عامل احتاج ؟ ومدة كم لازم اصرف الاسمنت ؟ ابي معلومات كافيه عن تجارة الاسمنت ؟ وبالنسبه للسطحه راح تكون ايجار في البدايه حتى افهم السوق واعرفه زين بعدها بفتره ممكن اشتري سطحه ملك لكن بالبدايه ايجار ؟

مشروع تخزين البرسيم من الشتاء للصيف فيه احتمال أنه محرم لأنه ربما يدخل في الاحتكار إلا إذا عندك نية تشتري وتبيع ما تخزن وتأكد من شيخ

مشروع الاسمنت عندكم مصنع في الجوف تقدر تأخذ منه وتبيع على المحافظات الثانية

في المشروعين لازم تشتغل بنفسك لأن العامل لو شغلته راح يطمع في الربح ويقول أستقل بسيارة لي أفضل وهذا حل مع كثيرين

ايش افضل ربح الاسمنت او البرسيم وهل فيه طلب على البرسيم بالشتاء

ايش دوري بالشغل اذا حبيت اشرف على الشغل بنفسي هل اشتري الاسمنت من المصنع بنفسي

او الافضل اصرف الاسمنت بنفسي لاني احتاج اجلس اما في الجوف لتحميل الاسمنت او في

المحافظات الثانيه اللي انزل فيها الاسمنت وابيعه ياليت تعطوني بشكل مبسط كيف اصرف الاسمنت

هل استاجر ارض واعرض فيها الاسمنت او مجرد وصول التريلا احصل زباين ؟

هل فيه طلب على الاسمنت على مدار العام او مواسم مثل البرسيم ؟

ارجوا الاجابه ممكن لديه خبره وشكرا جزيلا .

حياك الله اخوي بالنسبه للاسمنت اتوقع عندكم مصنع بالجوف
انا انصحك تروح للمصنع وتسئل

لو بتشتغل بالاسمنت سعر الكيس عندكم من المصنع 9ريال ولو بتبيعه بجدة راح تبيعه 11 ريال الى 12 ريال وبتكون كسبان 3 ريال بالكيس خلني احسبها لك على حسب معلوماتي وتاكد منها انت بعدين التريلا الظاهر انها تشيل 500 كيس والكيس 9ريال يعني 4500 ريال وانت بتبيع خلنى نقول 11 ريال يعني 5500 ريال راح يكون مكسبك 1000ريال بالطلعه الوحده يمكن ما تخارج معك لكن شف لو بتبيع الاسمنت في تبوك لانها اقرب لك وتقدر تاخذ اكثر من رد بالاسبوع شف كم السعر هناك اذا مناسب توكل ع الله
والله يوفقك ويرزقنا وياك ان شاء الله