[align=center]السلام عليكم ورحمة الله وبركاته
اخواني الاعضاء
انا بفتح مؤسسة مقاولات وابي احط معها مجال العقارات قالو لي تقدر تتحط سجل رئيسي مقاولات وسجل فرعي عقارات
قلنا اوك مافي مشكلة بس عندي كذا سؤال ..
--------------------------------------
اخواني الاعضاء انا في بداية العمل بيعطيني مكتب العمل 3 عمال كيف ازيدهم قالو تشتري فسوح بناء من الرياض وتقدمها على مكتب العمل
يعني لو بشتري 10.000م بيكون عدد العمال لو قدمته 10 عمال لان كل 1000 متر عامل
انا ابي اعرف
س1 :المده الي يستغرقها مكتب العمل حتى يعطيني التاشيرة او الفيز الي طلبتها بناء على الفسوح الي قدمتها كم .؟
س2 : هل اقدر فسح 20.000 متر على مكتب العمل واسدد رسوم 10 فيز واخلي 10 فيز ما اسدد رسومها حتى تجيني فلوس واسددها ؟ ولا تروح علي ؟
س3 : طلبو توظيف سعودي وقالو لي السعودي تقدر توظفة عن طريق مكتب العمل مكتب العمل يمشي له 1500 ريال وانت تمشي له 1500 عشان يكون راتبه 3000 ريال ؟ هل صحيح ؟
س4 : فتحت موقع وزارة العمل وحسبة نسبة التوطين لـ 35 عامل وافد ووظفت نفسي بالمؤسسة وواحد ثاني وجيت بالنطاق الاخضر عادي ولا اوظف بعد سعوديين .؟
س5 : بالنسبة لمؤسستي مارح اشتغل الا بشغل الكهرباء والسباكة والبلاط والسراميك والدهانات يعني شغلات تشطيب وبيكون شغل العمال على الراتب .؟ كم احدد راتب العامل ؟
س6 : ابي احدد رواتب للعمال لاني مابشغلهم برا بيشتغلو بمؤسستي بس كيف انظم الرواتب على ان الحكومة رفعت رواتب العمال 30% اليوم اقرا القرار هذا .؟
-------------------------------------
شكرا لكم ادري طولت عليكم لكن تحملوني

اتمنى الرد منكم
[/align]

حبيت ارفع الموضوع بدعوه لك وان شاء الله يجي من يفييدك ...



الله يوفقك ويفتحها بوجهك ^___^ ,,,.

جزاك الله خير اخوي سلطان
وان شاء الله يجي من يفيدني

ياخوي تبي تريح راسك دور فيه ناس يطلعون لك 10 وتعطيهم اتعابهم ولا تجيب فسوحات ولا شي هو يتكفل بالموضوع لان الفسوحات احتمال مكتب العمل يرسلها للبلديه ويطابقونها وشغله ولو طلع فيها مشكله بيعقدونك فخذها من قاصرها ودور علي معقب شاطر ويخلصك

اخوي سهم العنا طيب لامشكلة انا بعطي المعقب اجور عملة
بس وين القاه ذا وبعدين لازم الي انا فهمته انو الي يعقب ورا معاملات المؤسسة هو صاحبها

ياعمي كلام فاضي هذا خذها قاعدة ولا احد يضحك عليك

الواسطه فوق كل شي واي شي فيه فلوس يمشي

ياما ناس نايمه في بيتها وصلتهم التاشيرات لحد الباب

بس انت نصيحه مني اختصر الطريق وشف لك واحد

اي والله انها رشوه واذا كانت هذي البدايه فابشر بالخساره واكل الحرام لا احد يقولك كل الناس كذا والامور ماشيه بالشكل ذا ياخي انت خصيم نفسك والرشوه ملعون صاحبه بنص الدين فالحذر الحذر ومن ترك شيئا لله عوضه الله بخير منه
ومن ناحية التعقيب ترا لازم صاحب الموسسه الي يعفب

شكرا على مروركم ياجماعه انا ماني براشي انا بشتري فسوح البناء وبتفق مع مكتب عقار وبكتب عقد نظامي اني بقووم ببناء مبنا بمساحة 30.000 متر واكتب العقد وارسلة لمكتب العمل لا جاتني التاشيرة الغيت العقد ماحصل نصيب
هي فيها كذب لكن ربك غفور كريم كل شي في الحياة فيه تجاوزات ( وانا خخصيم نفسي ) شكرا لنصيحة اخواني

طيب ماذا ستفعل مع قرار رسوم 2400 ريال سنويا على كل عامل ؟؟؟؟؟!!!!!!