من خيار الطواريق ... للشاعر سعود بن سطام بن حادي العتيبي .....

الفله · #1 (**permalink**) 09-05-2008, 04:06 AM

بسم الله الرحمن الرحيم

اسعد الله اوقاتكم بكل خير

قصيده بالنسبه لي مهمه جداً وقائله فعلا ابدع وابدع عندما قالها ,, فيها من المواقف شئ كثير عموما اترككم مع القصيده :

من خيار الطواريق

رفيق المصالح ما جعلته على يمناي
ولانيب أرافق والمصالح هي النيّه
رفيقي ليا شطت عليه وتاه الراي
وقف ماقف ما كل رجل وقف زيّه
رفيق الشدايد فالمحن والكرب مشكاي
مهب رفقةٍ في قيس يومين منسيّه
حريص على الخوة يبي راحتي ورضاي
تنومس فعول عن هل الشذب محميّه
وأنا عن يمينه حزت أحتاجني حمّاي
أشيل الحمول اللي من الجبر مرميّه
ليا من بدا له مطلب فدوته مخباي
من الوجد جدنا وأصل الأرزاق غيبيّه
رفيقي رفيقي ما نقص قدره الزّراي
ولا أوحيت أنا هرج الوشاة العماويّه
ليا زل تدمح زلته دام هو شرّاي
ولا أبحث عيوبه ويش هاذي وهاذيّه
حصل ما حصل والآدمي ناسيٍ خطّاي
ولكن عريب الخال ما يثني السيّه
تعذر ولا يجزا سمين العذر بقفاي
تدوم الأمور اللي على عز مبنيّه
هذا ما طرالي فالليالي وفي مسراي

ــــــــــــــــــــــــــــــــــــــــــــ

بيوت من خيار الطواريق منقيّه
سعود بن سطام بن حادي العتيبي