السلام عليكم ورحمة الله وبركاته :-

مساء الخيرات أجمعين / إخواني حبيت استشيركم في مشروع يدندن في راسي منذ مدة

اللي هو اني ابني عمارة وابيعها عظم , , لكن المشكلة راس المال ما يكفي , قلت باخذ

قرض باسم اخوي وانا اسدد عنه الاقساط .

فاللي عنده خبرة في هالمجال يا ليت يفيدنا .

اخوي انا شغال في هالشغلة والحمد لله رازقني ربي يالله لك الحمد

اهم شي كم تكلفة البناء وهل الربح جيد بعد البيع يجي من يفيدك من الاخوان

شغله ممتازة ومكسبها طيب وفيه ناس كثير شغالين فيها

وميزتها عن البناء حتى يتم تشطيبها بشكل كامل انها ماتطول يعني البناء مايزيد عن ثلاث شهور من بداية البناء

واذا تبغى توفر افتح لك مؤسسة مقاولات وجيب واحد نجار وواحد حداد وواحد بنّاء واشتر خشب وعدة البناء وإبني بنفسك بتوفر كثير ومنها تبني لنفسك وغيرك من خلال النجار الي هو الأساس بالشغله وكل واحد من المعلمين البناء والنجار والحداد يجيب مجموعه كامله معه ويشغلها وانت تتفق معاه بالمتر

ولاتبني دور واحد فقط لانك ماراح تستفيد وحاول بقدر الإمكان تبني على أراضي تجارية لأنها افضل وكل مانقصت قيمة الارض مكسبك بيزيد

الله يوفقنا واياك وكل الموجودين والمسلمين

كم تقريبا تكلف هالمشروووع

اذا بس عظم دور ما يتعدى من١٥٠الى١٧٠الف واذا دورين ٢٥٠الف كافية

ياليت تاخذ بالاعتبار
ان البناء ليس مهم
المهم توفير الارض وبسعر مناسب قبل الاقدام على المشروع

يامعسول
التكلفة هذي على مساحة ارض كم

المتر يكلف من 400 الى 450 حولها

احسب عدد الامتار × 450