[align=center]مرحبا بنات ..

حبيت افتح هذا الموضوع لنا احنا اللي ترشحنا للقويعيه نتناقش فيه على طول وباستمرار ..

الاجراءات المتبقيه لنا لاكتمال الترشح ثم التعيين بحول الله
:
1- المقابله
2- الفحص الطبي
3- المفاضله بين المرشحات في تحديد الاماكن
4- التعيين

بعد ذلك .. نتناقش في :
1- معوقات المواصلات من المناطق واليها
2- السكن ان كان هناك مجال او الظروف تجبر على ذلك

مع العلم يابنات وحسب اقوال كثير من المسئولين بان التعيين راح يتم قريبا خلال اسبوعين بالكثير
وكانت لحركة نقل المعلمين والمعلمات اللي تم تاجيلها لنهاية هذا الشهر الاثر الكبير في انجاز تعيينا باسرع وقت لكي نغطي النقص الحاصل جراء حركة النقل

التفاعل بنات بليززِ[/align]

الف مبروك التعيين

بالنسبه للقويعية بعد ما تاخذين موعد تتجهين لادارة التربية والتعليم للمقابله قسم النساء

الموقع ( اذا وصلتي القويعية وانتي متجهه غرب يعني طالعه من الرياض اول كبري تتركيه

ثاني كبيري تطلعي منه ( مخرج ) اذا طلعتي علي الكبري تلفي يمين وتسيدي الين

يجيك دوار تسيدي منه بعد ما تتعدي الدوار تلاقي حديقه على يمينك الموقع يكون على

يسارك داخل الحاره ) بيكون فيه مشرفات يسوون المقابله وكل وحده حسب تخصصها واذا

خلصتي مقابله وسلمتي اوراقك ( صوري كل اوراقك الوثيقه الاثبات وخذي معاكي عدد 2 ملف

اخضر علاقي من المكتبه ) يعطونك الكشف الطبي تخلصيه وترجعيه لهم ويعطونك ورقه اثبات

انك سلمتي اوراقك . في اثناء المقابله بتعبي الاماكن اللى راح تتعيني فيها حسب الاحتياج

الموجود كالتالي ( الاقرب لرياض تبراك و القويعيه و الرين و الرويضه و الحصاه )

بعدها تنتظري مكان التعيين واذا طلع مكان التعيين تابعي موقع ادارة التربيه في القويعيه

تروحي للمندوبيه اللى هي في مكان تعيينك اي القطاع وتاخذي منهم ورقة التوجيه للمدرسه

وتروحي للمدرسه وترفعي المباشره والافضل بعد ما توقعينها من المديره تودينها انتي

بنفسك وتاخذي معاكي ملف اخضر وتصوري ورقة التوجيه والوثيقه وورقة من البنك اللى تبين ينزل

راتبك عليه والاثبات وتوديها للارشف الدور الثاني في الادارة قسم الرجال ويسلمها احد اقاربك . وفي نفس الوقت تاخذ صوره من

قرار تعيينك والتوجيه وتسلميها لشئون المعلمين لصرف بدل التعيين .

وينتهي الموضوع عند هذا الحد

بالنسبه لنقل لا تشيلين همه بالنسبه للمعلمات اللى من الرياض

فيه كذا نقل وما عليك الا اذا باشرتي للمدرسه تشوفي زميلاتك اللى يداومون من المكان

القريب منك وتروحي تداومي معاهم اهم شي تعرفي المدرسه

وفيه معلمات كثير ساكنات في القويعية بذات اللى من خارج القويعية ومن خارج الرياض

وابعد مكان بالنسبه لرياض والقويعية هي الحصاه واغلبها ابتدائي

بالنسبة للاسئلة في اللغة العربيه سئلتني المشرفه صغري والعصور في الادب هذا اللى اذكره

بالنسبة لتعيين تبراك والجله مستحيل تتعيني فيها لانها مكتفيه وهي تبعد عن الرياض 100 كم

والاقرب بعد تبراك القويعية وبعدها الرين اما الرويضه والحصاه هي الابعد

بالنسبه لرين الاقرب هي الرين نفسها وفيها الرين وابعد مدارسها حفيرة صماخ وفيه مدرسه ابعد منها وفيها زفلت

اما المدرسه اللى بعيده ولا يوجد فيها زفلت وهي متعبه ولا يوجد لها نقل يوصل لها والنقل يوصل لرين فقط

والله يعينك تركبي من الرين نقل ثاني واللى يسوق النقل حرمه من اهل الديره

والله يوفكم يارب

الفففففففففففففففففففف مبورككككككككككككككككككككككككككككككككك

الله يوفقكم ويفتح عليكم لات شيلوا هم خلاص دام طلع اسمك بعد المطابقة وفيه كثار مستأجر ين في القويعيه وفيه كثار زي وضعي من الرياض يداوموا لكن بالنسبة لترتيب القرا افضل الجله وتبراك ثم القويعيه ثم الرويضه لانها خطين ثم الرين لانه خط ثم الموت الي هو الحصان في اخر الدنيا والله ييسر لكم ي رب استغفر الله وأتوب اليه. وتراهم مستعجلين عشان الحركة الالحاقيه الي هي نقل المعلمات بتكون نهاية الاسبوع الجاي وبالتوفيق

الله يوفق الجميع يارب
طيب متى تتوقعون راح تتحدد اوقات المقابله
وهل صدق السنه هذي بتكون المباشره الترم هذا

رفع


بالنسبة للسكن

وش فيه السكن . مدينة القويعيه فيها شقق وفندق . . . يعني موضوع السكن سهل
الله يسهل امورنا كلها

معكم ودي اسكن بالحصاة في الحفير اقرب

وهل في روضات اولا

انتي كيف عرفتي انك بحصاه. . . انا لسئ ماصار معي شئ من الدفع الثانيه

ياحبوبات وينكم تعالو ندردش . . . وش صار معاكم . . سويتو فحص