[align=center]مساكم الله بالخير ي وحوش ٤٤
اسأل الله الكريم رب العرش العظيم ان ييسر امركم ويهون عليكم فترة الدوره يارب
اخوكم وكيل رقيب من دورة ٤٣ ومتابع ل موضوعكم ف المنتدى من قبل اتخرج من الدوره
اشوفكم مكبرين الموضوع ب خصوص ورقة الطلبات مطبقينها ب حذافيرها ومالومكم على هالشيء صراحه لانه صار معي ومع غيري بداية التحضير لكن صدقوني اول ماتحضر ب تشوف ان الورقه كلها حكي ع الفاضي مختصرها دلع نفسك ب نفسك من ناحية الملابس سواء الرياضيه او الداخليه وايضاً الشرابات والجزمه اعزكم الله
بخصوص البدله الرياضيه اشتر اي لون كحلي حتى لو معه لون ثاني عادي واهم شيء كل تي شيرت يكون عليه لوحة الاسم وايضاً البوت الرياضي دلع نفسك ب شيء اصلي لك وللزمن على قولتهم واللون طبعاً ماعليك منه اخذ اي لون عادي
وبخصوص قماش التنظيف والابره والخيط وهالسوالف الي كلها ع الفاضي ماعليك منها اهم شيء ملابسك وادواتك الشخصيه مثل الفرشاه والمعجون والشامبو وصابون غسيل الملابس وغيره ماعليك منه بس زحمه للشنطه ع الفاضي
تكفون ي وحوش بيضوا الوجه كلها كم ساعه وتدخلون وكلها كم يوم ونبارك لكم التخرج من فترة الاستجداد وبعدها والله الذي لا اله الا هو ب تمشي الدوره معكم مثل الهواء وبتتذكرون كلامي
ترى مافيه تدقيق ابد ف الدوره ماعدا الاشياء المخالفه الي انتم عارفينها دخان وولاعه وتمباك وهالامور الممنوعه اما الباقي يدخل معك غصب عنهم ماعليك
في الختام الله يوفقكم يارب وتكاتفوا مع بعضكم واهم شيء ف الدورات ب صفه عامه هو الخوه بينكم اذا مافيه خوه ب تتعبون نفسياً


اي صح نسيت اقول لكم نصيحه لا احد يحضر وهو مواصل والله ل ياكلها اسبوع كامل وهو تعبان واسألوا مجرب ههههههههههههههههه
اي سؤال والا استفسار انا حاضر واسف على الاطاله [/align]

والوقت يمشي بسرعة البرق هعهع


انا متحمس والنفسيه تمام والحياه حلوه ^_^

سبحان الله وبحمده سبحان الله العظيم


سُبْحَان الْلَّه وَبِحَمْدِه سُبْحَان الْلَّه الْعَظِيْم

السلام عليكم


ادعووو لنا بي التوفيق يارجال

ونلقاكم على خير ان شاء الله

(الى صلبووووووخ ان شاء الله )

توصلوا بالسلامه الله يوفقكم ،،، وانا واللي غيري مانقبلو ادعولنا ربي يرزقنا بالافضل

انتم قدها انشاء الله يسهلها عليكم